El garder leur apprenti
24. A moins qu'elles se remarient à un Itonitii étranger au métier.
25. Les quatre gardes seront quittes du guet pendant leur temps d'exercice.
confirmez et continuez jusques à l'advennement du feu roy Henry, noslre très honnoré seigneur et père (que Dieu absolve), plusieurs beaux privilleiges, statuz et ordonnances politicques, ainsy qu'ils sont plus au long contenuz et déclarez par les lettres de chartre de nosdits prédécesseurs. Touteffois, par la négligence et mauvais soing de leurs prédécesseurs audit mestier, seroit icelluy au grant détriment et domaige de la chose publicque, quasi demeuré sans pollice, pour à quoy pourveoir et aux entreprises qui se font ordinairement sur ledit mestier, par les autres mestiers de nosi redite Ville et faulxbourgs, et aussy assopir tous differens et procez qui pour raison de ce pourroient mouvoir entre lesdits supplians et lesdits mestiers, iceulx supplians auroient puis naguères, suivant nos ordonnances faictes aux Estats généraux, tenuz en nostre ville d'Orléans, article quatre vingt dix huit W, fait veoir et arrester en langaige intelligible, leursdites ordonnances tant anciennes que modernes, et icelles corriger et augmenter, ainsy qu'il estoit de besoing, pour le bien, utillité et commodité de la chose publicque, pollice et entretennement dudit mestier, dont la teneur ensuyt :
1. Avant qu'aulcun puisse parvenir à estre maistre fourbisseur et garnisseur despées, dagues, lances, hallebardes, picques, javelines, voulges, espieux, masses, pertuisannes, haches et autres bastons maniables à la main, servans au faict d'armes (2), audit mestier en la Ville de Paris, faudra qu'il soit apprenti!' dans Paris, soubs maistres dudit mestier par le temps et espace de cinq ans, synon les enfans des maistres, ainsy qu'il sera dit cy après.
2. Item, et paieront les apprentifs audict mestier douze sols parisis au Roy, nostre sire, et quatre sols parisis aux quatre maistres jurez et gardes dudit mestier; et ne pourra avoir chacun maistre dudit mestier qu'un apprenty ou deux, et qui contreviendra à ceste ordonnance, paiera douze sols parisis d'amende à applicquer, les trois pars au Roy, et la quarte partie auxdits maistres jurez pour supporter les charges et fraiz qu'il convient faire pour les visitations et autres charges dudit mestier.
3. Item, ceulx qui usent dudit mestier de fourbisseur, demeurans aux faulxbourgs et banlieue hors Paris, qui ne sont maistres, ne pourront recepvoir, prendre ne retenir aucun apprenty, pour luy aprendre ledit mestier, qu'ils ne luy déclarent paravant que le temps qu'il demeurera avecques eulx ne leur pourra profiter pour gaigner la franchise, aux fins d'acquérir puis après la maistrise en la Ville de Paris, et ce en peyne de cent sols parisis d'amende à applicquer comme dessus, et les dommaiges et intérêts envers lesdits apprentifs.
(1> Ordonnance de janvier i56o. — Les articles 98 et 99 prescrivent à Ions les métiers de respecter leurs communautés, de rédiger les statuts et de les faire imprimer. (Voir des extraits de ces articles, Métiers de Paris, t. I, p. 75.)
(2) Les statuts de 1 290 ne portent (pie les épées. La plupart de ces instruments étaient également faits par les couteliers, et sont inscrits dans leurs statuts de 1 565 , art. 11 et 12, et dans la sentence ci-dessus de 1686, p. 364.
FOURBISSEURS DÉPÉES. 367
h. Item, aulcun serviteur alloué à aulcuu maistre dudit mestier, avant son terme parachevé, ou que il soit content de luy, ne pourra aller servyr d'autres maistres; ne pareillement autre maistre ne le pourra prendre, sur pevne de douze sols parisis d'amende à appliquer comme dessus.
5. Item, si aulcun compagnon ayant servy ung maistre d'ailleurs l'espace de trois ans, et ayt parachevé le temps à quoy il estoit obligé, vient en ceste Ville de Paris et sert trois ans continuels ung maistre dudit mestier, il pourra estre fait maistre par chef d'œuvre, s'il est trouvé sufïizant, combien qu'il n'ayt esté six ans apprentif en ladite Ville.
6. Item, quiconque vouldra estre maistre dudit mestier en ladicte Ville de Paris, faudra qu'il face chef d'œuvre et payera vingt sols parisis au Roy, et aux quatre maistres jurés et gardes dudit mestier, le droit par cy devant accoutumé; fors et réservé les fils des maistres dudit mestier de ladicte Ville, nez en loyal mariage, soit qu'ils soient venus de chef d'œuvre, ou de don du Roy; lesquels fils de maistres seront passez maistres audit mestier sans faire chef d'œuvre, mais payeront pour lesdits droits au Roy seize sols parisis, et aux jurez dudict mestier ne payeront aucune chose, pourveu qu'ils ayent besongné dudit mestier par l'espace de cinq ans près leur père, ou autres maistres dudit mestier à Paris ou ailleurs.
7. Item, pour bien congnoistre si le chef d'œuvre est deuement fait et si celluy qui pourchasse estre faict maistre, par chef d'œuvre ou aultrement, est idoyne ou suffisant, les quatre maistres jurez dudit mestier appelleront quatre bacheliers dudit mestier, des immédiats, qui auront esté jurez dudit mestier avec eulx, pour veoir et entendre l'expérience et sçavoir de celluy qui pourchasse estre faict maistre, à peine de cent sols parisis auxdits jurez à applicquer le tout au Roy.
8. Item, tous marchans forains qui apporteront allumelles d'espées, dagues, fers d'hallebardes, de lances, de picques, de javelines, de voulges et espieux, de masses, de pertuisannes, de haches, et d'autres fers de bastons maniables à la main, servans au faict d'armes, non prests à garnir ou garnys et presls, à la Ville de Paris, pour vendre, seront tenuz ycelles marchandises faire visiter aux maistres jurez dudit mestier, et pour ce faire en advertir l'ung desdils maistres jurez, avant qu'icelles exposer en vente, à peyne de cents sols parisis à applicquer comme dessus.
9. Item, ne pourront les maistres dudit mestier achepter de ladite marchandise foraine avant qu'elle soit visitée, sur peine de vingt sols parisis d'amende, à applicquer comme dessus.
10. Item, desdites marchandises visitées, celle partye qui sera trouvée n'estre bonne, loyalle ne marchande, ne sera ny pourra estre vendue, synon pour ce qui se trouveroit pouvoir servyr a quelque autre usaige; ains est deffendu à tous marchands et autres la vendre en ladicte Ville et banlieue de Paris, sur peine de
confiscation desdites marchandises sur lesdits marchands qui les exposeront en vente après la visitation.
11. Item, après avoir visité lesdites marchandises et le plutost après ladite visitation l'aicte, seront tenuz lesdits maistres jurez advertir les aultres maistres dudit mestier s'ils veulent chacun d'eulx sa part et position de ladite marchandise, ce qu'ils pourront avoir qui voudra , combien qu'un seul ou deux dudit mestier eussent ja achepté toutes les autres marchandises visitées.
12. Item, et pour ce que les maistres jurez dudit mestier mectent beaucoup de temps et peine à l'aire lesdites visitations de marchandises foraines, et aussy à faire visitation des ouvraiges chez les maistres dudit mestier et chez autres non estant maitres dudit mestier, qui abhusent souvent dudit mestier, il est permis auxdiz jurez prendre sur les marchandises foraines apportées à Paris à vendre, c'est assavoir des allumelles d'espées, hallebardes dorées, des pertuisanes dorées, haches d'armes dorées, espieux dorés, pour chascune d'icelles pièces en fers garnys et non garnys, quatre deniers parisis des fers des hallebardes, pertuisanes, haches d'armes et espieux, le tout non dorez, lesquels les marchands qui auront apporté lesdites marchandises en Paris seront tenus de payer, bailler et délivrer auxdits jurez.
13. Item, nulle personne, aultres que les maistres dudit mestier et leurs serviteurs domesticques, ne pourra besongner en ceste Ville de Paris pour soy, ne faire besongner par autres dudit mestier des fourbisseurs et garnisseurs d'espées, dagues, hallebardes et autres bastons susdits, en la chambre, ouvroir, bouticque ne autre lieu, sur peine de confiscation de ladite marchandise, et oultre d'amende arbitraire.
14. Item, sera deffendu à tous compaignons doreurs sur fer demourans en chambre, en ladicte Ville et faulxbourgs de Paris, de dorer etargenter aulcunes garnitures d'espées et dagues, ycelles monter et garnir de fourreaux, n'exposer en vente publiquement n'autrement, s'ils ne sont maistres dudit mestier ayans fait chef d'œuvre et expérience d'icelluy, en la présence des quatre maistres jurez dudit mestier de fourbisseurs d'espées, sur peine de confiscation desdites garnitures et fourreaux, et de dix livres parisis d'amende pour chaque fois qu'ils seront trouvez faisant le contraire, dont le tiers sera appliqué au Roy, l'autre tiers aux pauvres de ladite Ville et l'autre tiers aux maistres jurez dudit mestier.
15. Item, sera pareillement deffendu à tous marchans merciers de ladicte Ville et faulxbourgs de Paris, soit de la salle du Palais (1) ou autres lieux, quinquailhers et contreporteurs, fripiers et autres ayans magazin d'armes en ladicte Ville et faulxbourgs, de n'exposer en vente aucunes espées, dagues, faire ou faire faire fourreaux de velour ou de cuir, dorer et faire dorer n'argenter aucunes garnitures
ll) Les merciers privilégiés et suivant la Cour, inslallés au Palais dans la Cité. (Voir ci-dessus, p. a/io.)
d'espée, ne dagues fourbir, garnir, monter ne faire monter aucunes allumelles, n'autres bastons et armes concernant et appartenans audit mestier de fourbisseur, sur peyne de confiscation desdits ouvraiges et marchandises, et de dix livres parisis d'amende à appiicquer la moitié aux jurez dudit mestier. Lesquels marchands merciers n'autres dessusdits ne pourront, pour éviter au faict desdictes armes où consiste le plus souvent la vye de plusieurs princes et grans seingneurs de ce royaume, vendre, n'exposer en vente aucune desdictes espées, dagues, allumelles, n'autres bastons servans à iceluy mestier, que premièrement ils n'ayent esté veus et visités par les quatre maistres jurez d'iceluy mestier de fourbisseurs, qui sont ceux qui ont la vraye cognoissance de la bonté ou mauvaiseté desdictes armes, jaçoit qu'ycelles armes ayent esté visitées par les gardes desdits marchands merciers, ce qui n'est en leur cognoissance ne d'autres qui ne sont dudit mestier de fourbisseur, et ce à peine de vingt livres d'amende à appliquer, à sçavoir, le tiers au Roy, l'autre tiers aux pauvres et l'autre tiers aux jurez dudit mestier.
16. Item, sera aussy permis auxdits quatre maistres jurez dudit mestier de fourbisseurs aller doresnavant en Visitation, quand bon leur semblera, par tous les fauxbourgs de la Ville de Paris, soit ez fauxbourgs Saint Germain des Prez, Saint Jacques et Saint Marcel, et illec visiter toutes et chascunes les armes des fourbisseurs qui y demeurent, sanz que les juges et officiers des juridictions subalternes d'iceux faulxbourgs n'autres quelconques les en puissent aucunement empescher, et ce sur peine de vingt livres parisis d'amende, à appiicquer comme dessus, pour chacune foys qu'ils les en voudront troubler ou empescher.
17. Pourront lesdits maistres fourbisseurs et garnisseurs d'espées dessusdits et leurs successeurs audit mestier, fourbir et faire fourbir en leurs ouvroirs et bouticques toutes sortes d'allumelles d'espées, dagues, pertuisannes, hallebardes, forcelets, morions et généralement toutes autres sortes d'armes servans à gens de guerre, tant à pied qu'à cheval, lesquels harnois et bastons dessusdits, pour le bien, utillité et commodité de la chose publicque et conservation de ce royaulme, ils pourront vendre et achepter, ainsy que bon leur semblera, et quand l'occasion se présentera, sanz qu'ils y puissent eslre aucunement empeschez, troublez, ne visitez par aultres que par les quatre maistres jurez dudit mestier de fourbisseurs, et ce à peyne de vingt livres parisis d'amende à appliquer comme dessus.
18. Item, que nul autre que les maistres dudit mestier ne pourra, en ladicte Ville, establir n'exposer en vente aucune espée grande ou petite, dague, lance, hallebardes, picques, javelines, voulges, espieux, masses, pertuisanes, haches, n'autres bastons maniables à la main, servans au faict d'armes, sanz ce que de ce se puissent excuser, n'exempter aucuns marchands n'autres, n'estans dudit mestier de fourbisseurs d'espées; car ils ne peuvent avoir bonne cognoissance, comme ont les maistres dudit mestier, des faultes qui se trouvent souvent esdils bastons et harnois, esquels harnois gist et consiste la vye des princes, seigneurs, gentil-
hommes, de toutes gens de guerre et autres frequentans les armes, et de plusieurs autres gens, ainsy qu'on voit advenir souvent des bastons qu'en avoit achetez d'autres que des maistres dudit mestier, et ce en peine de cent sols parisis d'amende pour chacune fois, à applicquer comme dessus, et autre amende arbitraire.
19. Item, que nul ne comporte d'espées miséricordes ne autre chose de leur mestier par la Ville de Paris doresnavant, si ce ne sont les pauvres gens qui soyent dudit mestier, qui demeurent ez rues foraines, qu'ils ne peuvent vendre en leurs hostels, et qui seront faites et appareillées de leurs mains, et en leurs maisons, pour les périls oster de la Ville et pour les fausses œuvres de ceulx qui ne sont pas dudit mestier et qui en telles choses ne se cognoissans vendroient par la Ville, si ce n'est aucun trépassant ou aulcun de la Ville de Paris qui veille vendre espées par souffrance d'argent, qui est de l'encienne ordonnance^.
20. Item, que nuls maistres dudit mestier ne accoustreront ne mectront en œuvre allumelle d'espées, dagues, braqueinartz, qui ne soyt bonne, loyalle et marchande, non rompue ne cassée, en feuille ne en poignée; ycelles bien et deuement fourbiront et ne pourront à ycelles mectre autre garniture que de fer non cassé ou rompu, si ce n'estoit ou d'or ou d'argent, par le commandement de quelque prince ou seigneur, et faire la poignée de bois de haistre de deux tenanz, ou faire ladite poignée avallée d'une pièce, couverte de fil d'or, d'argent, soye , soyette, flouret ou peau de chien de mer, lequel ils verront estre à faire pour le myeux, en peine de vingt sols parisis pour chascune fois et d'aucunes des faultes dessus dites.
2 1 . Item , que nul maistre dudit mestier ne fera ne pourra faire exposer en vente fourreaux d'espées ou dagues qui soient de bois de haistres, faits avant la vente, qui seront couverts de cuir de veau ou de marocquin; et tout fourreau couvert de drap ou de velours sera couvert de cuir sur le bois; et seront tous lesdits fourreaux sans colle, quant à ceux où n'y aura cousteau et poinson et sinon à avoir arrest; et au fourreau où y aura cousteau et poinson, qu'ils pourront coller sur les fourreaux desdits couteaux et poinson, en peine de douze sols parisis d'amende pour chacune fois, à applicquer comme dessus.
22. Item, que nul autre que les maistres dudit mestier ne pourront faire lesdites sortes de fourreaux, sur peine de confiscation pour les abbus qui en peuvent advenir chacun jour.
23. Item, que nul fourbisseur ne puisse vendre au dyemenche, fors que deux fourbisseurs, au tour et comme il escherra ^, pour ce que le dyemenche est jour
(1) Voir ci-dessus, article 7 de 1290, le même privilège accorde aux maîtres indigents de vendre des épées dites «• miséricorde.
(!) Article 10 de 1 290. — Cet usage, de laisser
vendre deux maîtres chaque dimanche, se pratiquait chez plusieurs métiers dans un but charitable. Le profit de la vente revenait à la confrérie ou aux pauvres.
de repos et doit-on ouyr le service de Nostre Seigneur, qui est de l'ancienne ordonnance.
2/4. Item, et pour mieux éviter que abbuz ne soient faicts audit mestier en bastons ne harnoys dessusdicts ne leur garniture, pourront les maistres jurez et gardes dudit mestier aller, quand bon leur semblera, et pour le plus tard seront tenus aller de quinze jours en quinze jours en Visitation; et visiteront toutes marchandises concernant leurdit mestier, tant en la Ville et fauxbourgs que la banlieue de Paris, et pour ce faire pourront visiter tant chez les maistres dudit mestier qu'autres non maistres, où ils seront advertys qu'on feroit leurdit mestier, pour veoir s'il y aura abbuz ez garnitures et ouvrages, ne malfaçon par les maistres et ouvriers non maistres; et qui résistera ou contreviendra auxdites visitations, sera condamné à grosses amendes arbitraires.
25. Item, et des mesfaictz, faultes et malfaçons par lesdits maistres ez dites marchandises trouvées, feront lesdits jurez le rapport dedanz vingt quatre heures après ladicte visitation, par devant le prevost de Paris ou en la chambre du procureur du Roy audit Chastellet, et ce à peine de huit sols parisis d'amende pour chacune fois, applicable comme dessus.
26. Item, et quand aucun maistre dudit mestier ira de vye à trespas, délaissant sa vefve, elle pourra tenir ouvroir et joyr dudit mestier pendant qu'elle sera vefve, et avoir serviteur suffisant pour faire ledit mestier soubz elle.
27. Item, et si son feu mary avoit quelque apprentif qui n'eust parachevé son temps, elle luy pourra faire parfaire soubz elle le temps qui restera, ou le baillera à autre maistre par le congé des jurez.
28. Item, si durant le temps dudit apprentif elle se remarie à autre qui ne soyt du mestier, en ce cas sera tenue bailler ledit apprentif auxdits jurez, pour le bailler à aultre maistre pour parachever son temps.
29. Item, s'il plaist au Roy, les quatre gardes ordonnez par les bacheliers et autres dudit mestier seront francs du guet pendant le temps qu'ils seront gardes dudit mestier de fourbisseurs et garnisseurs d'espées, en ladicte Ville de Paris. Desquels anciens statuts et nouveaulx articles cy-dessus desclairez, lesdits maistres jurez et communaulté dudit mestier de fourbisseurs, Nous ont très humblement requis leur voulloir octroyer lettres de confirmation, esmologation et autoriza-
tion pour ce requises et nécessaires Approuvons par ces présentes et iceux
nouveaux articles octroyons auxdits supplians et communaulté dudit mestier de
fourbisseur etgarnisseur d'espées Données à Moulins, au moys de mars, l'an
de grâce mil cinq cens soixante six et de nostre règne le sixiesme
(11 1567, 8 février. — Enregistrement de ces lettres au Parlement, avec réserve que les épées seront toujours visitées par les fourbisseurs avant d'être dorées et garnies , et que les fournisseurs
pourront fourbir et entourer les ;irmcs, sans les faire forger.
1595, îojanvier. — Lettres patentes de Henri IV confirmant purement et simplement les statuts des
1627, avril.
Lettres patentes de Louis XIII contenant ào articles pour les fourbisscurs.
Bannières, 12e vol. Y 16, fol. 6. — Coll. Lamoignon, t. IX, fol. ig4. — Statuts des fourbisseurs do 17/10, p. 1 (".
fourbisseurs. (Coll. Lamoignon, t. IX, fol. 84o; mention d'après Ordonn. de Henri IV, 1" vol., fol. 369.)
1596, 23 mars. — Arrêt du Parlement entre
fourbisseurs et doreurs : «• Ordonne que les-
dits maistres doreurs jouiront de l'effet des lettres par eux obtenues dudit deffunt roy Charles IX , du mois d'aoust 1573, et lettres de confirmation dudit deffunt roy dernier decedé, du moys de may i586, et que lesdits maistres fourbisseurs pourront indifféremment, concurrement avec lesdits maistres doreurs, dorer, argenter et damasquiner toutes armes de leur mestier, gardes et fournitures d'icelles, selon que ceux qui voudront faire dorer, argenter ou autrement enjoliver lesdites armes , se voudront adresser à eux, sans toutesfois que l'un des mestiers puisse entreprendre ny avoir visitalion sur l'autre.^ (Coll. Lamoignon, t. IX, fol. 96/1.)
{l) Les 29 premiers articles sont conformes en tout à ceux de 1 566 ; quant aux 1 1 derniers, ils sont la reproduction de sujets déjà traités au commencement :
