QUATRIEME LIVRE
DES
DE I. A. DE BAIF
RIEN meilleur^ sire, ne peut estre Qu*auoir à viure sous vn Maistre Bon, gracieux et bienfaîcteur.
Et traictable, et facile à prendre Quelquefois le loisir d'entendre La plainte de son seruiteur.
Or m'estant permis ne rien feindre, • En liberté ie vien me plaindre A vous, ô mon Roy ; non de vous.
Qui tousiours m'estes fauorable Et libéral et secourable Et serein et bénin et dous :
Mais îe me plain de la Fortune, Qui ne me fut onc opportune Pour respondre à mes beaux désirs.
Car tousiours le desauantage Repoussant mon noble courage^ A rendu manques mes plaisirs.
Que sert vne ame généreuse Des vrayes vertus amoureuse Dans vn gentil cœur decireux, Si la santé, si la ieunesse.
Si le pouuoir, si la richesse.
Ne rendent Thomme bien heureux ?
Ce n'est qu'vn objet à l'Enuie :
Ce n*est qu'vne fascheuse vie, Pleine de despits et regrets : C'est vne ombre vaine dVn songe:
C'est vn creuecueur qui nous ronge D'ennuis, soings et tourmens segrets.
En la pauureté la prudence Ne peut venir en cuidence :
C'est mépris : c'est obscurité.
Le plus vertueux et plus sage Et plus sçauant, se' décourage Accablé de nécessité.
Grâces à l'heureuse nature, Dequoy songneuse elle procure Rendre aisé ce qui fait besoin :
A la chose non nécessaire, Pour l'auoir il luy plaist de faire, Qu'il faut de la peine et du soin.
Mais qui n'a point Famc abbatue.
Qui de bien faire s'esuertue.
Qui sçait l'honneur et le vray bien, Qui gouste les plaisirs louables, Qui boust de désirs honorables^ Souffre trop de ne pouuoir rien.
O Dieu, que n'eû-ie l'ame vile?
Que ne naqui-ie mal-abile Lourd et grossier d'entendement ?
Long temps ha ma fortune faite, l'eusse trouué quelque retraite Pour viure à mon contentement,
le n'aimeroy point l*accointance Des personnages d*exccllence De beaux arts la vie honorans :
le ne me pleusse à tenir table A la compagnie agréable Qui chasse les soins deuorans :
le n'eusse gousté la Musique, Ornement de Part poétique.
Douce compagne de nos vers :
le n'eusse point voulu parestre.
Ny recherché ne me veisse estre.
Pour mon renom d'hommes diuers.
Mon nom, pour nos belles merueilles.
Ne fust venu iusqu'aux oreilles Des plus grands, dont ie suis cognu Loin de faueur^ loin de disgrâce, Content de ma fortune basse, le me fusse eh mon coing tenu.
le n'eusse esté pu d'espérance :
le n'eusse quitté l'asseurance Du peu, pour le désir de plus :
Ou Prieur à simple tonsure.
Ou Chanoine^ ou dans vne Cure, A moy ie me fusse reclus.
Là, ne sçachant que mon breuiere, Ayant choisi telle manière De viure, ie vesquisse heureux :
le ne regretterois mon âge Despensé contre mon courage Parmy des gens peu valeureux.
le ne rougiroy point de honte, Dequoyle psuple faisant conte Du bruit par mes œuures acquis.
Allant par ville dans la rue, Me monstre au doigt ou me salue, Comme autheur d'ouurages exquis.
Vn despit desdaigneux ie n'eusse, Ny plus auoir ie ne voulusse Estimant loyer m'estre deu :
Enflé ie ne m'outre cuidasse :
Ingratement ie ne cuidasse Auoir mon seruice perdu.
Voyant qui n'a pris tant de peine louïr de fortune certaine, Quand i'oy que tout chacun me dict Q.ue deusse auoir quelque Abbaie, Ma raison demeure esbahie Dequoy i'en suis tant interdict..
Si ay-ie tenu de FEglise La foy Catholique entreprise Contre les nouueaux reformeurs:
Si ay-ie entrepris quelque chose En mon temps, si dire ie Tose, Plus que mes compagnons rimeurs.
Si ay-ie receu les caresses
Des plus Grans» et non njenteresses, \ Mais pour la vraye vérité.
.Si ay-ie esté pensionnera Des trois Frères, et de la Mère :
Ce fut pour l'auoir mérité.
Car ie n'eus onques parentele En Court, ny alliance telle Qu'elle m*ait en rien auancé.
C'est ce qui plus mon fiel irrite, Dequoy paroissant mon mérite.
Si mal ie suis recompensé.
Et ce qui plus encor me mine, Vostre assez bon vouloir encline A me pouruoir benignement :
Et rien si tost ie ne demande Que vostre bonté qui est grande Ne me l'accorde prontement :
Mais quelque chose que l'obtienne, Ne croyez sire que rien vienne A mon profit tant soit il clair.
Incontinent quelque trauerse Mon bien dedans ma main renuerse.
Qui disparoist comme vn esclair.
Encor de mémoire bien fresche Vn malheureux desastre empesche Ma fortune que i'arrestoy :
Tout cela qu'auec grande peine De bons ans par vne vinteine En vn petit bloc ie mettoy :
C'estoient deux mal-creez offices, Qu'en payment de tous mes seruices
Courses estudes et labeurs, Y compris tous les arrérages Et de pension et de gages, Deux offices de Receueurs,
Et de création nouùelle, Et de deffaite Dieu sçait quelle, Où nul ne vouloit financer, Â Castres, bien loin de la France, Paîs de vostre obéissance, Sur lesquels m'auiez faict dresser.
Vn an et demy ie les garde :
Et tout ce temps me poise et tarde Qu'il ne venoit quelque marchand :
A la fin quelcun se présente Faisant offre qui me contente :
le Paccepte, m*en dépeschant.
L'argent m'est compté, bon, d'espreuue.
Sous tel si, qu'autre ne se treuue Qui pourueu de vous soit receu :
Le lendemain voicy mon homme :
De rendre son argent me somme, Qui se trouue avec moy deceu.
Vn fascheux Tapi Secrétaire, Par vne voye extraordinaire, Dauant s'estoit faict reccuoir Sans quittance d'aucun des vostres, M'apprestant par ne sçay quels autres Ce pasté pour me deceuoir.
Ainsi voicy la belle glace De mon espoir par vn disgrâce.
Qui vient se fondre entre mes doys.
Et si vostre authorité sire
N'entreuient, ie ne tf^f 4^^ àite :
le pér et le seai et la voix, le ne sfache qu'vn seul remède :
C'est vostre faueur, c'est vosire air Car [e n'espcre que de vous :
Autre que vous ie ne veu suiure
Prince bon libéral et dous.
V»ant donc de vostre puissance Et ptuE grande munificence, Donnez commandement exprès Au gentil sieur de VuideuiUe M: &ir£ rembourser habile, S.ins me faire courir après.
Si bénin pour moy tant vous fêtes.
Non seulement mon Roy vous este Mais Dieu sur terre me serez, Bien-fa icteur, sauueur de ma vie, A vous pour iamais asseruie.
Puis que vous la conseruerez.
Droite Raison tu es perdue, Passion en ton lieu se rue :
Tu es le fer fait à tous pies, Chacun à ce quMl veut te range: Mal que Ion veut n^est pas estrangc, Lon te force à nos mauuaistiés.
Dieu nous fît vne ame si belle, lesu Christ nous donna par elle Nous faire de Dieu les en fans.
Les enlans de Dieu sont-ce diables.^ Que nous allons plus exécrables En forfaitures trio n fans !
Droite Raison tu n'es plus droite, Pour toy forcenaison exploite Sur les humains toute fureur.
Droite Raison, si ie te porte C'est en vain, le torrent m'emporte Âuecque la commune erreur.
Droite Raison tu me conseilles Suiure Pessein de nos abeilles, Qui va sa ruche abandonner.
Des petits oisillons la proye Qui deçà qui delà déroye, Et Dieu seul les peut rabiener.
Plus vmut auiourdhuj la mensonge Que la Tcrité. Cest ¥n songe Le vray parlant de faussetez.
Qui courent pour veritez vrayes :
Lon chérit auiourdhuy les bayes Appasts de nos mechancetez.
O si Tne raison commune.
Non penierse, ains à tous coustume.
Conduisent nostre genre humain :
Nous serions vne bergerie Sous TU berger, et la furie Ne nous chasseroit de sa main.
Vangences de Dieu sur nos ÊEiutes, Dont les cataractes trop hautes Viennent sur nous se débonder. Repensons à nos forfaitures, Repurgeons-nous de nos ordures Et songeons à nous amender.
Tu nous as perdus fetardise.
Abominable paillardise.
Luxe en tous dehors der^lé !
Insupportable tyranie, Vne commune en tous manie Vn désir en tout aueuglé.
Vne amour folle de soy mesme, Vne auarice en tout extrême.
Maudite superstition :
Vne maline hypocrisie^ Vne idolâtre fantaisie.
Quittant la bonne affection.
Poisons mortelles et vilaines Gastent nos puits et nos fontaines :
Et nos bergers, qui nous oui pu D'herbes de venimeux vsag;s En lieu de nourrissans herbages.
Ont fâict fout le pis qu'ils ont peu.
Dieu nous aduertit par la peste, La femine gaste le reste, La guerre déserta les champs.
Pour cela nul ne veut combaire :
nieu a beau nous battre et rebâtira, Nous en deuenons plus mechans
Vn Soleil qui des deux rayonne Fait ça bas toute chose bonne :
Et s*îl n y rayonnoit des deux Rien beau ny bon n*y verrions estre Car sans son rayon ne peut croistre A^re ny beste en ces bas lieux.
Mais si deux Soleils yenoient prendre L'empire des astres pour rendre Par ce grand vague leur derté.
En grand danger dVne mine Seroit le monde en sa machine.
Par vn brulement déserté.
Vn Soleil est tressalutaire:
Deux Soleils ne pourroient bien faire Car toutes chosA bruleroient.
Au monde un Soleil seul doit luire.
Vn Roy seul conscrue vn empire :
Mais deux Rois le desoleroient.
Dieu met sur tout sa pouruoyance.
Destin, est sa forte puissance :
Fortune y requiert auoir part :
En son ordre va la Nature.
Pour receuoir loutê auanture Beaucoup vaut la raison et l'art.
Si Dieu a soin de mon affaire D'en auoir soin qu'ay-ie que faire?
Car Dieu tousiours le soignera^ Soit ou que le soin ie m*en donne, Ott que le soin i'en abandonne.
Mais aide toy, Dieu f aidera.
Que fait Dieu? les hauts il abaisse, Hausse les bas : les tortus dresse, Et les droits il va tortuant.
Ne conuoitons rien dMmpossible :
Ne cherchons de voir Tinuisible :
Rien de vain n'allons remuant.
Pense tousiours que tu C3 homme:
Se cognoistre tout bien consomme:
Complais à tous non à toy seul, leune, voy venir ta vieillesse :
Vieil, souuien toy de ta icunesse, Modère et la ioye et le deul.
Nul de Pauenir ne s'asseure:
Le présent iamais ne demeure :
Le passé ne nous est plus rien.
O Dieu qui souuerain commandes, Ne nous donne pas nos demandes, Mais ce qui doit nous estre bien.
Réueille toy Roy débonnaire :
Sois à tes sujets l'exemplaire, Bon pour au bien les conuier.
Tes vrais loyaux François employé.
11 n'est celuy d'eux qui n'ait ioye En si bon œuure s'employer.
Pour conduire emprises tant bonnes, Tu fi.neras et des personnes
Et des conseils et des moyens.
Le plus fort seras en iusûce Pour escarter le vilain vice Qui perucrtist nos citoyens.
Bonnes mœurs font Theureuse TÎe :
La bonté de honte est suiuie :
Bons sont ais^z à deceuoir.
L*art acquiert de la cognoissance :
Bonnes mœurs de la bien-voulance £t des amis nous font auoir.
Le bon aura Tame constante :
Ou soit que le bien se présente.
Ou soit que le mal Fentourast.
Si Dieu donne de la richesse Au peniers qui n'a point d'adresse.
Il n'en vse ou en fait degast.
L'homme de bien est salutaire.
L'homme nay libre veut bien faire :
Le seruil n'aime à faire bien.
En bonté beaucoup vaut prudence.
Prudence en malice est nuisance. Sans bonté bon sens ne vaut rien.
Où rimpudence tient l'empire, La honte de là se retire.
Honte honteuse y moisira.
Tout vieillist icy où nous sommes :
Mais plus auant iront les hommes, Plus l'impudence y ieunira.
Il faut des plus sçauans apprendre :
Ayant appris prudent se rendre.
L'homme prudent ne parle en vain.
Aux fouis qui ne s'en font que rire
Les bons auis ne faut pas dire.
Sain propos touche vn esprit sain.
Rien n'est qui ait plus de puissance
QuVne bien sage bien disance.
La parole esteint le courrous:
Par la mielleuse parole
L'ame désolée se console,
Et le plus aigre se rend dous.
La seule parole manie
Des humains la totale vie.
Cœurs sont de parole touchez.
La parole assèche les larmes :
La parole échauffe les armes :
La parole fait tous marchez.
Sagesse au parler se consomme.
On cognoist le carat de l'homme
A la touche de son parler.
La parole vn coup eschapee
Ne sçait plus estre ratrapee.
Mais voile où elle doit aller.
Bon fait tenir ses léures closes.
A bien peser ce sont deux choses
Parler beaucoup ou à propos.
Parole hors de saison dite,
DVn grand heur par cheute subite
Souuent renuerse le repos.
A ta langue sur tout commande.
Sot parler dommage demande.
Qui se taist vainc le violant.
Mieux vaut beaucoup taire que dire.
Taisant nulle perte on attire :
Grand mal on attire en parlant.
Q.t'and à tout ce qu*auras à faire Assigneras Theure ordinaire Départant sa propre saison, Donne au silence en ta iournee Sa propre saison ordonnée :
Et le feras auec raison.
Et ieune et vieil par le silence Acquiert honneur sans repentance. On dit beaucoup en peu de mots.
La langue marchant de mesure.
Qui rien ne iette à l'auanture, A grande grâce en ses propos.
A Dieu par sus tout reuerance :
Apres aux Rois obéissance.
Tout ce qui est cède au plus fort :
L'hjruer negeux couuert de glace A Pesté fructueux fait place.
Au doux Zéphyr des vents Tefifort.
La nuict d'estoiles couronnée Fuit deuant la claire iournee :
Le long trauail cède au sommeil :
Le fort sommeil qui tout maistrise Au beau resueil lasche sa prise.
Chassant les ténèbres de Toei].
O que c'est vne grand'folie De s*amuser toute sa vie A ce vain curieux sçauoir.
Qui faisant oublier sa terre Fait les badins humains enquerre Des choses qu'on ne peut auoir.
Qui cependant que Tœil il hausse Se laisse choir dans vne fosse,
Il luy mesauient à bon droit.
Ce quMl foule aux pieds il ignore:
Et ne le sçachant pas encore Les cieux eschelt^r il voudrait.
Dieu est Dieu : ainsi le faut croire :
Mais c'est vne indiscrète gloire S'enqumr quoy, comment il est.
S^on le fait, on reuoque en doute S*il est ou non. Qui là se boute, Son maudit propos ne me plaist.
Dieu est trop malaisé d'entendre.
U n'est possible le comprendre Luy qui n'est corps auec le corps, Luy parfait, par chose imparfaite, * Luy éternel, par chose faite ^our peu durer en ses efforts.
Dieu est à iamais : Thomme passe.
Dieu est vérité d'efficace, L'homme imaginant ombrageux.
L'homme voit bien les corps visibles Choses visibles sont dicibles.
Par delà Thomme est outrageux.
Car Dieu qui n'a ny corporence Ny figure ny apparence Ny matière en laquelle il soit, En nos sens est incomprenable :
Dieu donques est Dieu l'ineffabie, Dieu que nul mortel ne conçoit.
Croyons donques sans deffiance Dieu le vray Dieu : car sans créance Dieu nous ne pouuons adorer.
Hors de foy toutes entreprises
De nos rectiErches plu* exquises Nous font l'apprenant l'ignorer.
Moins en S(ail qui plus en présume.
Faifon* vne bonne coustame Aui mcEurs qui nous louchent TraïmenL Aux choses qui po^nl ne nous touchent, Ou desquelles nos sens n'approucfaent, Ner ■ - -
Oqu'estre bien ouy ie peusse !
Et creu des escoutans ie fusse !
Nul toute honte ne perdroit :
Nul abusant de la ieunesse Ne renuerseroit la noblesse, Ny tout Testât ne confondroit.
Qui met à mépris toute chose Et droite et sainte, en fin Ion ose Le terrasser et mépriser :
Qui sçait le bon conseil bien prendre, Il sçait à chacun le sien rendre :
Et doit se faire authoriser.
Quand la parole profitable Rencontre l'oyant fauorable En bonne et promte volonté, En vain elle ne voile dite :
Au cœur elle demeure escrite :
Et fait le fruit de la bonté.
Toy qui sur les autres commandes, Tu vas te perdre, si te bandes Contre le torrent des destins.
Les mechans dessous toy n'employé, Que tu n'encoures maie ioye Portant le forfait des malins.
Qui commande auec auantage,
Ne doit tenir autre langage
Que le langage de la loy :
Qui veut que le peuple fidèle
Luy garde sa foy de bon zèle,
Doit premier luy garder sa foy.
Aux bons et iustes secourable '
Soit rigoureux non esbranlable
Vers ceux qui tout mal sont trenchans :
Qui aux cruels bénin, pardonna
Perd tous les bons qu'il abandonne
En proye aux outrageux mechans.
Toy qui tiens souuerain empire
Souuent à par toy va redire
Trois choses pour y repenser.
Sur des hommes ie seigneurise :
Sous les statuts ie les maisttise :
Mon commandement peut cesser.
Ne commande rien que droiture :
Ne souffre brauer nulle iniure.
Qui passe vn outrage leger^
Il attrait vn plus grief outrage.
Le Roy régnant, s'il est bien sage,
Nul mal ne laisse auantager.
Impunité des maux nourrice,
Desbordement suit Tiniustice :
La conniuence i^ttend malheur.
Du souuerain la nonchalance
Accrois t la désobéissance :
De courte ioye longue douleur.
Qui vit contre toute droiture :
Qui fait débauche et fait iniure
Dessus les autres commandant.
Se rendra ses sujets rebelles, Q.ui les feroit doux et fidtles Patron du deuoir se rendant.
Mais qui ferme en toute auanture Sans changer de sa quadrature Pour changement ne branlera i Qui pouruoyant à nos misères Autant aux hommes qu*aux affaires Sagement s'accommo'dera ?
Rien n^aimera que le louable :
L'honnesteté recommandable Tiendra pour règle de ses faits.
Ses propos tendront à bien faire :
Ne sera flac ny trop austère En ses comportemens parfaits.
Qui les hoiineurs aime et désire, Sans perdre rien de son empire Il comblera de tout honneur:
Toute ambition assouuie, Ne souffrira l'oiseuse vie.
De la vertu bon guerdonneur.
Ne donnera tel auantage A nul qui tourne à son dommage:
De loin au mal remedîra.
Sçaura le feu naissant estaindrc :
Qui le lairra croistre sans craindre.
Au feu à Peau trop tard crîra.
Quelle pitié de voir vn Prince Qui doit régir mainte prouincc.
Ouïr et voir tout par autruy ?
Le voir le pauuret qui se fie
A des trompeurs que Dieu maudie Nullement fidèles vers luy.
Aussi trop amy de ton aise Ne veus ouyr rien qui desplaise.
Chacun fuit le mal te conter.
Lequel tu corrigerois d*heure :
Tandis le mal gangne et demeure :
Et plus ne se peut surmonter.
Le flateur tout en complaisance.
Ne vacaht à rien d'importance.
Fuit rhonneur et rvtilité Du peuple et du Grand, et les flate :
Et traistre loue (ô Tame ingrate) Le mal par infidélité.
Louant le mal luy qui s'en joue, Porte perte à celuy qu*il Iode Par vne extrême lascheté :
Là où s*il vsoit de franchise, Le Prince feroit entreprise DVn los par valeur acheté.
Mais du flateur le cœur esclaue, Qui Pauîlist et le depraue, Le fait moisir lasche fai nient, Q.ui le pas ouure à toute iniure :
Et faudra qu'après il endure L'ayant quise à son escient.
Lors que la débauche commance, Faut empescher qu'elle s'auance, Et tost le chemin luy trancher :
Malice une fois enuieillie, Comme vne longue maladie, A peine peut on arracher.
L'homme qui dessur tous excelle Dedans son estomach recelle Son conseil qui va quant bt luy. Kncor louange faut il rendre  qui Tauis donné sçait prendre, Se conseillant bien par autruy.
Mais qui fêtard en tout sommeille, Ny de soymesme se conseille Ny prend d'ailleurs enseignement, N*est bon à rien, vit inutile :
Dedans sa chair son âme vile Sert de saumure seulement.
Bien malheureux est qui peut suiurc La vraye vertu, pour y viure Et bien-heureux et valeureux^ Toutefois s'abandonne au vice, Et plus se plaist en la malice.
Et gaste son cœur généreux.
En lieu d'amour haine il rapporte Des siens et des autres, en sorte Qu'à tous son nom est odieux.
Pour louange il oit médisance :
Pour seurté s'aquiert défiance :
C'est le loyer du vicieux.
De son deuoir faire risée :
De religion mesprisee Le manteau pour ses vains plaisirs :
Corrompre ardemment l'innocence:
Viller le consort de l'ofiFence, SouUé de ses sales désirs :
Négliger ses grandes afferes Vaquer tout à choses légères :
Sans lire, liures fiid leter :
Comier fueilîets sans rien escr.'re:
Plorer pour rien : pour mal fiût rire
Au monde baiile à caqueter.
Apres le caquet Tient Faudace :
Apres Faudace la menace; Apres la meriace les cous.
Nous irritons Tire Diuine, A la Teille de la ruine Sous la foudre de son courrons.
Tel le peuple quel est le Prince.
Son authorité deuient mince Quand il ne fait comte de luj.
Nous en-cherrons en mal extrême :
Qui ne commande sur luy mesmc, Tres-mal commande sur autruj.
O sang Royal, doux et bons Princes, Vous les Gouuemeurs des prouinces, Qui des grans honneurs auez part.
Officiers de la Couronne :
lusticiers : Tous dVne arae bonne A ces aduis ayez esgard.
Voyez de la France les larmes.
N'esmouuez les iniques armes Pour à nos maux remédier.
La France est assez ruinée :
Tréue luy doit estre donnée :
Dieu la sçait assez chastier.
Les armes tant soient de iustice.
Ne font qu'ensemencer le vice^ Aux troubles ciuils mesmement.
Vous sçauez les autres reprendre :
Reprenez vojs. Si ferez prendre Le chemin deramendemcni.
Ostez de vous tome auarice :
Ostez le luxe, oatez le vice :
Osiez la fausse ambllion :
Osiez les débors deshonnestes, Qui nous font pires que les besles :
Osiez raauuaise affection.
Ainsi vous appuirei l'tmpire :
Ne souffrirez que rien empire ■ Donrez exemple de tout bien.
Autrement ie voy tout en proye, Dequoy l'esiranger aura ioye, Non le naturel ciloyen.
ODieu, que nostre vie est bréue !
Nul toutefois ne se releue Pour son âge bien employer.
Des animaux ont Pauantage De viure iusqu'au dixième âge, Pleins de santé sans foruoyer :
L'homme nay à choses tant belle*.
Foiblet, maladif, tu rapelles Dcuant qu'il connoisse qu^il vit !
L'homme meurt parauant qu'il scache Comme il doit viure! Et lors qu'il tâchi Viure bien, l'ame on luy rauit !
La vie est courte : et par mégarde Du temps volant, qui si peu tarde^ La plus grande part nous perdons :
Tandis que nostre nonchalance A rien de bon ne la dépanse.
Nostre perte nous regardons.
Sans auoir sa fuitte pensée, Nous sentons qu'elle s'est passée :
Kt ce pendant que la tenons, Nous la prodigons en l'vsage ; Et la rendons par grand outrage Plus courte que ne la prenons.
Sçaches bien vser de ta vie, Tu en auras Tame assouuie :
Assez longue la trouueras.
Comme dans la main despensiere Grand' richesse ne dure guiere.
Ton âge tu despenseras :
Mais si peu de moyen s'adonne Au bon ménagier il foisonne:
Nostre vie aussi, comme elle est, Si elle estoit bien ménagée, Croistroit de beaucoup allongée.
Nous la perdons : car il nous plest :
Et puis nous desplaist mal perdue, Par la repentance bien deûe :
Puis qu'ainsi mal nous l'employons :
Quand IVn moisi de poltronise La coule en toute fetardise.
Comme les plus grans nous voyons :
L'autre l'agite misérable £n auarice insatiable, Plus altéré tant plus il boit :
L'autre en vn trauail inutile Se tourmentant, fait de l'abile :
Ny iamais nul repos ne voit.
Quelcun s'adonne à gourmandise, Et se fondant en friandise Dans son ventre perd son auoir:
Quelque autre d'ambition vaine De complaire au peuple se peine Pour des premiers se faire voir.
L'vn trafiquant de terre en terre De mer en mer, gain sur gain serre,
Par les bazars au deuant mis :
L'autrv^ aux armes sa vie adonne.
Ne fuit trauailler sa personne
Pour trauailler ses ennemis.
Beaucoup d'ingrate seruitude
Mettent leur volontaire estudc i
A courtiser les grans seigneurs :
Beaucoup par enuie importune
D'autruy pourchassent la fortune,
Et de la leur sont dedaigneurs.
La plus part en ce monde viuent.
Qui rien de certain ne poursuiuent^
Vagabons en legiereté,
Irrésolus d'impatience.
Démenez par leur inconstance,
Trop aimans la nouuelleté.
Des vices les espais nuages
Nos yeux troublez et nos courages
Enuelopent de toutes pars.
Descouurir ne nous est loisible
Pour iuger le bon ou nuisible:
Nous suiuons nos désirs épars.
A nous nous ne pouuons nous rendre.
Si quelque repos- nous vient prendre.
Comme sur la profonde mer,
(Encore que le vent y cesse)
La tourmente point ne nous laisse :
Il faut ou voguer ou ramer.
A bien peser nostre folie
La moindre part de nostre vie
Est celle part que nous viuons.
Tout le cours de nostre fresle flge
N^est pas vie, ains vn vol volage DVn temps que iamais nous n'auons.
Tu penses que cecy i 'adresse A ceux que tout chacun confesse Se mal porter ou gouuerner.
Voy ceux, de qui l'heureuse vie Chacun à les suiure conuie, De leurs biens propres maumener.
A d'aucuns leurs richesses nuisent :
D'autres eux mesmes se séduisent, Par ce qu'ils croyent mieux sçauoir.
Quelques vns qui veulent bien dire.
Trop bien disans vont se dcstruire, Pour trop auoir fait bon deuoir.
O combien, tous haues palissent, Qui par débauche s'elanguissent Continuans la volupté !
O combien, entourez d'vn monde De suiuans, où sottise abonde, N'ont rien de franche liberté!
L'vn demande, l'autre auocasse :
L'vn se défend, l'autre pourchasse :
L'vn plaider, l'autre va iuger :
Et l'vn pour l'autre se consume :
Chacun d'eux bien faire présume :
Tous sous autruy se vont ranger.
Si vn tout seul ne se peut dire :
Et quelcun sottement s'aîre De n'estre d'vn grand reconnu.
Pourquoy d'viî autre se va plaindre, Celuy qui, pour ailleurs s'astraindre,
• De soy nul conte n'a tenu f
Encor luy, bien que dVne face Assez fiere et pleine d'audace, T*a biin regardé quelque fois :
T*a bien daigné prester Toreille.
Mais toy (qui est plus grand' raerueille) lamais tu ne t'ois ny te vois.
Chacun en son bien tiendra serre.
Et fust-ce pour vn doigt de terre ; • Le débattra iusques au bout :
S'il est question de sa vie, Au premier sans qu'on luy conuie.
Aller se laissera du tout.
Nul de son argent rien ne donne :
Sa vie à chacun abandonne, Leur patrimoine ils vont gardant ; Du temps ils ne font guiere conte :
En sont prodigues, et sans honte Le vont pour qui que soit perdant.
Le temps toutefois est la chose Dont plus iustement le Bon ose Se monstrer auaricieux.
Or attaquons quelque vieil homme, Et le prions vn peu qu'il somme [ — ^Le temps vescu de ses ans vieux.
; Tu as cent ans et dauantage :
Recalcule de tout ton âge Combien en eut ton créancier, Combien tes sottes amourettes, Combien tes affaires secrettes, Combien ton pauure tenancier.
Combien tes procès ordinaires, Combien tes valets mercenaires.
Combien ton aller et venir :
Adiouste encor tes maladies Mal acquises par tes folies : Elles^ si f en peux souuenir :
Et tout cela qui sans vsage S'en est allé pour ton dommage :
Si tout cela tu en rabas, Te verras auoir moins d'années | De beaucoup que ne t'as données | Et que verdelet tu t'en vas.
En après à par toy repanse Quand tu as gardé ta constance, Certain d'auis et résolu :
Combien de fois selon ton ême, DVn cours et d'vne raison même.
Et quel iour tu as reuolu.
Quand c'est que sans muer visage.
Ou que sans changer de courage, Vn seul iour tu as sceu passer :
Combien d*œuures, par tant d'années De mal-empléte et mal menées Parfaits tu peusses ramasser :
Combien de gens ta longue vie, Comme en pillage, t'ont rauie, Toy ne sentant que la perdois :
Combien de temps la douleur vaine, La ioye de sottises pleine, Pont fait perdre à diuerses fois :
Combien tes hautes coauoitises, Combien tes flateuses hantises, De tout ton âge t*ont osté :
Pour le peu que vas recognoistre
Te rester et vrayment tien estre.
Tu meurs n'estant pas aousté.
Qui en est cause i Comme à mesme D'vn vif sourgeon sans moyen mesmc Le temps respandu tous iettez :
Comme mortels en défiance^ Comme immortels en asseurance.
Tout vous craignez et souhaitez.
Depuis qu'en toute vilenie Nostre noblesse fut honnie, Mettant sous les pies tout honneur, Par vn malheureux et sot change, Tous ont mesprisé la louange :
Le loueur n'a son guerdonneur.
Comme on a cessé de bien faire, Aux Poètes a falu se taire :
Nul en besongne ne les met :
Ailleurs ont mis leur fantaisie :
La nûe et pauure Poésie Rien que despoir ne se promet.
Ny la mesure ny la rime Auiourdhuy n'est plus en estime :
Vulgaire, est vulgaire du tout.
Qui veut plaire, se faut desplaire :
Faut se rendre bas et vulgaire En sens et mots de bout en bout.
Poésie est donc terrassée :
Coyoncrie est auancce:
Poltronise braue les Dieux, Valeur et 'prouesse abbatue :
I«es releuer nul s*esuertue :
Tout bon conseil est odieux.
Princes en leur plaisanterie Sont assistez de âaterie, Et d'ignorance en tous estas:
S*aucun en quoy que soit excelle Il est moqué s'il ne le celé.
Bestise a des tueurs à tas.
Deuant eux vn sçauant et sage Ne trouuera nul auantage.
Ne se verra iamais ouy.
S'il est accort, il s'en retire :
Ou craintif et caut ira dire Non sur non, ouy sur ouy.
Présen bien ce que sent le Prince Et l'y accorde. O qu'on est mince En bons desseins et beaux projets!
Mettre sa maison en parade.
Et rompre vne lourde algarade.
Ce sont bien difFerens sujets.
Nostre sottise mal-abile Rend le mal-aisé trop facile A qui n'eust osé d'y penser.
Vne vaillante diligence Eust aboli toute l'engence Deuant qu'auoir sceu commencer.
Qui de nos mignons s'en remue ?
Ce sont de vrais oisons en mue :
Ce n'esi que fadése et qu'orgueil :
Toute authorité mal acquise D'elle mesme tombe démise.
Et peuuent-ils bien leuer l'œil ?
Vn remors de leur manigance Vient au runge en leur conscience
Faut bien qu'ils ayent le cœur bas.
Que dirons-nous du Manifeste r Ha! c'est vne maudite peste De nouueaux discors et debas.
Père Matthieu, que veux-tu faire Auec ta Bule extrord inaire Où sont tant de beaux traits passez ?
Où des clauses toutes nouuelles De forfaire licences belles ?
Nous nous en dispensions assez.
Qui veut hors de tout scrupule estre Soit ou pour esgorger son maistre Ou le voler sans craindre rien ï Qui peut oser commeare et faire Au lict de son frère adultère, Inceste auecques le sang sien ?
Qui veut piller une Prouince:
Se rebeller contre son Prince :
Faire faubond et fust-ce à Dieu :
Qui veut estre bon Sodomite :
Docteur en toute chatemite :
Qu'il en parle à Père Matthieu.
Si quelcun faisoit conscience, Comme suiet d'obéissance, De brasser la mort à son Roy.
Ou par poison ou par pistolb Ou le dagant : d'ame trop molle Craignant de lui manquer de fcy :
Vers Père Matthieu se retire.
Père Matthieu par son beau dire Le cœur au ventre luy mettra :
Et le dispensant à cautele
L'absoudra d'estre en rien fidèle :
Et paradis luy promettra.
Ha, nous auons par grans disgrâces Fait des putains des chastes Grâces :
Âuons profané leur honneur.
N'auoir receu les biens ne fasche :
Tant comme sMl faut qu'on les lasche.
Don se perd dVn mauuais donneur.
Don bien donné ioye et richesse :
Don mal donné perte et tristesse, Tant à celuy qui Ta donné Comme à celuy qui Tose prendre :
Car tost ou tard il faut le rendre.
Bien et mal mourra guerdonné.
Ha Nemesis iuste équitable, Aux hommes et Dieux redoutable, Q.ui viens soudaine aux vieux péchés, bit tardiue aux fresches offenses, Vangences vangences vangences!
Nous en serons bien empeschez.
Le méchant le méchant chastie :
Nostreiisseurance est mal bastie:
Nul conseil n'assiste Testât. *
Au timon n'a nul bon pilote.
Trop mieux sieroit vne marote Q.uVn sceptre au poing d'vn Prince fat.
Religions, ce sont des bourdes :
N JUS crions aux oreilles sourdes :
On ne croit pas ce que l'on voit, Et vous croyez qu'on puisse croire Ce qui n'est point. Voire da voire:
Preschez preschez : on vous en croiu
On voit ce que vous pouuez faire :
Il n*est plus d'homme débonnaire :
Tout est du tout abastardi.
Preudhommie n^est plus au monde.
Toute rage et sottise abonde :
II n'est plus nul preux ny hardi.
Tous nos hommes ne sont que couilles :
I^asches gogues, flaques andouilles :
Qui ont du mou en lieu de cueur.
Si l'homme de Dieu vient parestr;;
Vn monde neuf il fera nestre,
S'en estant fait iuste vainqueur Mais il ne faut se faire accroire,
Enflé de quelque vaine gloire,
D'estre celuy ne l'estant point.
Il viura de façon Royale :
Portera Ta me libérale.
Le cœur de vertu noble espoint.
Aimera les hommes sans feinte :
Ne requerra d'eux nulle crainte :
De leur amour se fera fort.
Sera le patron de bien viure :
En pieté se fera suiure:
Haira l'hypocrisie à mort.
Vrayment affranchira les âmes :
Chassera tous abus infâmes:
Bannira superstition :
Ne forcera point les pensées.
Ostant ces bestes insensées
Raclera l'Inquisition.
Détestera la tyrannie :
Ne laissera pas impunie
La for£ûtui€ panader.
Ne laissera non guerdonnee
La ▼erta choir abandonnée,
Ny les fouis en pascarader.
Où est-il ce preux ce profete
Cest Héros que le bon souhete?
Où est-il' cest homme de Dieu ?
Il n*est pas qui le bien restore:
Ou s'il est il se cache encore.
Garde le fouet Père Matthieu.
Gardez le fouet faux hypocrites:
Vous aurez selon vos mentes :
Vostre Euangile est découuen.
Le vostre n'est le perdurable,
Qui doit aux humains secourabic
Estre pour- tout iamais ouuert.
N'outrager ne rend iuste l'homme :
Ne vouloir outrager consomme
Le Iuste qui peut outrager :
Qui peut tout prendre et ne veut prendre
Mais à chacun le sien va rendre.
Ne 8*en daignant auantager.
Le Bon iamais nul mal ne pense.
Aime les bons, les mauuais tanss.
Son bon cueur, est du bon la loy.
Chez soy ne logera i'Enuie :
De nul ne troublera la vie.
Quiconque fait bien» il est Roy.
A Dieu l'accompli sacrifice
C'est vn cœur muni de iustice.
Toute vertu va s'assemblant
En cil qui, doué de nature
Franche et sans dol, Bon aura cure D'estre vray Bon, non par semblant.
Donc si d'accord ne pouuons estrc Des secrets que Dieu fait parestre, A qui moins les peut regarder.
Laissant les Docteurs en-debatre, Sans pour cela nous eirtrebatre, Viuons d'accord de nous garder.
IE n'entan point la Ligue sainte :
Mais ie ne puis n*en auoir creinte.
Car bien souuent la sainteté j
Cache l'impiété couuerte :
Bien souuent la fustice ouuerte
Enclost la grand' méchanceté, le ne fu iamais hérétique :
le suis Chrestien Catholique,
Et i*aprouue la Papauté:
Mais i'aborre la tyrannie :
£t fui la rebelle manie
Qui romt la i iste Roiauté.
La Roiauté iuste i'apelle,
Qui de race continuelle
Dure establie au sang François,
Sans rechercher son origine.
Puis que par la grâce Diuine
Ils régnent receusdWne voix.
O Papauté donne toy garde
Que le feu iustement ne t'ard -,
Que tu commences d*alumer :
Tant que de Paix tu fus nourrice,
Dieu t'a esté doux et propice :
Dieu t'a faict sur tout estimer.
Mais tu n'émeus iamais la guerre
Entre les Princes de la terre
Que tu n'ais couru grand hazard.
Pense à Pauis que ie te iette
Ni Deuin ni fils de Protéte:
A quoy ne faut auoir égard .
Ne cuide extirper rheresie
Ni par boufante hypocrisie
Ni par le glaiue des puissans.
Ce sera la vie exemplaire
Qui remetra le populaire
Hors de Terreur en son bon sans.
Prelas déchassez Tauarice,
La délicatesse et le vice
De feinte superstition :
Embrassez la pieté vraie,
Et vous arracherez l'yuraie
De la sainte religion.
Faites que de Dieu la parole,
Son glaiue fort, trenchante vole
Par toute la Chrestienté :
En toute langue en toute guise
Par toute nation aprise
Le nom du vrai Dieu soit chanté.
Christ et la cour celestielle
En mainte musique nouuelle
Voie ses honneurs retentir :
Lors nous verrons dedans nos temples,
Qui ne seront plus assez amples
Les foruoiez se repentir.
Dieu n'a-til de parole expresse.
Non couuerte, non menteresse.
Dit (à quoy ne faut répliquer :) Mon règne nVst pas de ce monde.
De ce mot grand sauoir redonde :
Ce n'est à moy de Texpliquer.
L*entande à qui Dieu fait la grâce De Fentandre, car moy ie passe Plus outre pour vous publier, Qu'en paix de quatre ans de durée L'Eglise s'est plus rassurée Qu'en vingt ans à tout guerroier.
La Guerre par haines ciuiles Déserte vilages et viles :
Dépraue les cueurs des mortels :
Etablist meurtre et briganduge :
Nourrist d'impiété la rage :
Profane les sacrez autels.
Toute reuerance terrasse, Hausse l'impudence et l'audace.
Abat l'honneur que Dieu requiert :
Les Bons perte de tout endurent :
Les forféteurs brauent et durent:
lustice perd, outrage aquiert.
Par la guerre les bons empirent :
Les pires tout à eux atirent, L'aise la richesse et l'honneur :
Les blasphèmes et violences Ont cours et toutes insolences :
Vertu n'a point de guerdonneiir.
Pour bien ne faut la guerre faire, Qui est de trop douteuse afaire.
Et ne finist pas où Ion veut.
La commençant bien Ion propose:
Mais en auierit toute autre chos?.
Plus que raison fortune y peut.
Par desseins aucuns s'auantagent :
Entre eux les prouinces partagent:
Chez eux pensent loger la paix, Et détourner bien loin la guerre^ Qui retumbera sur leur terre :
Eux mourront perdus et défais.
Qui bouillant de quelque bon zélé Encontre TEglise nouuelle, La ruiner se promettra, Garde de renuerser la siene.
Possible auecque l'ancïene Son estât en proie mettra.
O Noble sang plein de vaillance, Aimez nourrissons de la France, Est-il vrai ce qui bruit de vous i le ne puis ni ne veu le croire, Que le désir de vaine gloire, Que la vengeance et le courrous :
Que Pimportune et caute instance Faite contre vostre constance Par des ennemis du repos.
Puissent tant sur votre ame outrée, Qu*y soit la félonie entrée Ebranlant votre bon propos i
Bon propos, qui met son étude  chasser toute ingratitude,  ^maintenir fidélité,  soutenir notre Couronne,
Garder la Roiale personne Des assauts de Thostilité?
Tu armes donc contre son Prince Et ses suiets et sa prouince.
Dont il t*auoit £iit gouuemeurr Fraudes-tu du depost la garde 'r le ne le croî pas : Dieu m'en garde.
Où aeroit de la Foj rhonneur^
Voudrois-tu bien. t:>j que Ion prise, La réputation aquise Par tant de temps et si beaus faits, La perdre en yne maudite heure Par vne entreprise mal s^ure D*oii germeroient tant de forfaits?
La pierre ainsi iadis ietée Parmi la semaille auortee Naissante des dents du dragon^ Engendroit la ciuile guerre Qui rendoit à sa mère terre Aussi tost son peuple felon.
O Terre, tu es trop chargée, Tu seras bien tost soulagée De tant qui marchent sur ton dos.
La débauche sera punie De l'insolente tyrannie Qui abusoit du doux repos.
Dieu de biens nous donne abondance :
La bonne année en eùidance Promet tout à grande foison, Planté de vins et de blairie :
Mais las notre forsenerie Nous banist de notre maison :
Et n'en iouyrons misérables *.
Car les insensez exécrables Par fureur le gast en feront.
Dieu chatîra leur foie rage :
Sur eux recherra leur outrjge :
Etrangers en trionferont.
Faut-il, (douce et bonne Patrie, Où toute gent viuoit chérie, Où âorissoient tant des beaus arts.
Où tout bien et plaisir abonde) Qu'vn peuple barbare t'inonde, Te dépeuplant de toutes parts i
O qui aueuglez de vangence, Ou d'outrageuse confiance, Ou dVn faux désir deceuant Affectez puissance mal seure, Rauisez retirez-vous d'heure :
Au mal ne passez plus auant.
Oubliez nos iniures vaines :
Tost mettez bas vos males-haiues, O vous les Gràns qui tant pouuez.
Que Tetranger chez lui se tiene.
Le François en la terre siene :
Et vos ruines n'emouuez.
Car vos ruines ie voy prestes A choir pour acabler vos testes.
Si ne modérez vos fureurs.
Alez montrer votre vaillance Ailleurs dehors de notre France, Et là trionfez conqutreurs.
D'ici n'emporterez que perte Votre gloire y sera couucrte :
Tiuic haiae sur «w» canna : Aoecqoc h mort de mtre ime, Pour TOUS d les robca td bUniE A tous les sieclfs dcmoam-
NICOLAS, qui par long vsage T'es rendu bon, sçauant et sage Pour viure IVn des plus contens :
Par esbat, s'il t'en prend enuie, Voy tout le decours de ma vie Jusqu'à Tage de quarante ans.
Plus auant tu verrois le reste, Si, des esprits la mort, et peste, Feneantise ne regnoit :
Qui vertus et lettres mesprise Et l'hypocrisie autorise.
Que le règne heureux dedegnoit .
Nous sommes fondez sur la mine.
Nul le droit chemin ne chemine.
•Bons poètes sont à mespris.
Depuis que par vn maudit change Lon hait les actes de louange, La louange n'a plus de pris.
Le reste de ce Mime est esgaré.
