DES
DE I. A. DE BAIF
Vraye foy de terre est banie, Mensonge les esprits manie :
Tout abus règne autorisé.
Pour bonne loy passe le vice :
Sans balance va la iustice :
Honneur et droit est mesprisé.
C^est estre fol que' d'estre sage Selon raison contre l'vsage.
Ceux qui m'entendent m'entendront.
O Fils de Dieu vérité mesme^ Maints se vantent de ton saint cresme. Qui loin ny près ne s'en oindront.
Ceux qui te croyent et te suiuent, Qui dans toy viuent et reuiuent, Voyent à clair la vérité :
Dirions-nous bien que nous en sommes Plus ne se trouue au cœur des hommes Espoir ny foy ny charité.
Tu as en ton ame éternelle Empreinte vne loy naturelle^ Qui seule à mort te mènera.
De tant de Témoins Tasseurance, Qui ont prouué leur espérance, Par leur mort te condemnera.
N'en frein cette loy véritable Dés tout iamais à iamais stable :
Pour autruy fay comme pour toy.
Ne fay ce que fuis qu'on te face.
Humains, en mutuelle grâce Scauriez-vous tenir cette loy ?
Ah ! Seigneur, tu Tas sceu bien dire.
Que ton règne ny ton empire N'estoit de ce monde peruers !
l'en auray tousiours défiance, Tant que verray toute arrogance Ta Saincteté mettre à Penuers.
Ah! tous ceux-là, Seigneur, qui disent Seigneur, Seigneur, qui authorisent Sous ton nom leur ifnpieté.
Ne sont pas tiens : mais ils se louent De ton nom, quand de toy s'auouent, Pallians leur méchanceté.
Dressans vne maligne école.
Ils font vne vaine parole
De ta vraye et droicte raison,
Et la corrompent à leur guise.
En font trafic et marchandise^
Par barat, feintise, et traison.
Toy qui es doux et pitoyable,
Te font vn tyran effroyable,
Inhumain, cruel^ et sanglant.
Toy qui es la mesme innocence.
Le Roy de Paix et de clémence,
Te font outrageur violant.
Toy qui es ami de droiture,
Te font le Dieu de forfaiture.
Toy qui es sourgeon d*amitié^
Gage d'amour et de concorde,
Te font le fuzil de discorde^
Et de brutale inimitié.
Où est plus la sainte assemblée
En vn mesme espoir appelée.
Sous vn seigneur, sous vne foy,
Par vn lauement de Baptesme,
Sous vn Dieu, sous vn père mesme,
Sur tous, par tout, entre tous Roy i Cest là où tous s^entresupportent^
S'entr'aident et se reconfortent
En vnion et charité.
Faisants tous vn corps de concorde,
Vn esprit qui en tous s^accorde
D'vn nœu de paix en vérité.
Nous deprauez et maudits hommes,
Dirons^nous que plusieurs nous somme.^^
Vn pain tout seul, un mesme corps.
Et que dVn pain et dVn breuuage
Nous paissions en commun Tsage, Par tant de haines et discors ?
Où est ce peuple qu'on peut dire Affranchi du mortel empire De toute erreur et de forfait.
Nettoyé pour entrer en gracc, Et qui toute bonne œuure face?
Nul ne bien pense, ny bien fait.
Rien plus ne se voit que feintise :
Rien que faulse opiniastrise :
Rien que larcin et cruauté :
Rien que toute audace rebelle :
Rien que débauche, et point de zèle -
Rien qu'erreur et desloyauté.
Mespris de Dieu, tout vilain vice, Orgueil, insolence, auarice,
Tout pariure, nulle pitié.
Brutalité plus que brutale,
Braue en cet âge desloyale.
Nulle bonté, nulle amitié. Fraude, soupçon, et défiance,
Enuie, rancueur, médisance,
Blasphèmes et rages ont cours :
Charité la marque luisante
De Chrestienté trionfante,
Esteinte se cache en nos iours.
Nous pointillons sur la doctrine :
Chacun à sa poste en deuine.
Barbouillant la religion.
Non contens nos songes en dire.
Les publier et leu escrire.
En armons la sédition.
O Religion mal-menee.
Les Mondains qui t*ont profanée Te tiraillent à leurs plaisirs.
Le tyran qui mal te manie En éstablit sa tyrannie, Le peuple ses trompeurs désirs.
Sous ton saint nom tout se renuerse.
L'auare Pauarice exerce :
L'inhumain l'inhumanité :
L'yurongne son yurongnerie :
Le brigand la briganderie, L'impudic Timpudicité.
L'ambition sous toy s'auance :
Sous toy se haulse l'ignorance :
Sous toy la gueule s'entretient :
Sous toy florist la fnardise :
Sous toy l'impiété maistrise : Sous toy le forfait se maintient.
Donques tu n'es plus qu'vne fable, O Religion vénérable, Vn nom feint, masque de vertu :
Sous lequel le vice ordinaire Déborde le monde à mal-faire.
Religion sainte, où es-tu?
Où es-tu, Religion sainte.' Quelle bonne ame au vif attainte De te garder se vanten .?
Mais qui tenant la loy bénigne De lesus Christ en estant digne Le nom de Chrestien portera.'
Celuy qui mettant sa fiance En vn Dieu, de son alliance
Ne voudroit pas se fonioyer.
Celuy qui viendra par humblesse En douce et deuote simplesse A la loy de Dieu s'auoyer.
Celuy qui de tout son courage Aimera Dieu, tout bon, tout sage, Tout saint, tout entier, tout pouuant.
Celuy qui vn Dieu seul adore.
Pour feinte que Ion peigne ou dore, Desloyal ne s^en démouuant.
Qui la reuerence à Dieu deue A autre qu'à luy n*a rendue :
Mais s*y fiant et l'honorant, lour et nuict en sa loy repense :
Sy plaist, en ha reioûissance, Lili songeant et la discourant.
Non pour en faire vne parade, Ou quelque vaine mascarade, A piper les autres humains :
Non pour en abusant, la dire :
Mais pour dedans son cœur Tescrire, Mais pour la mettre dans ses mains.
Son prochain dVne amour extrême Il aimera comme soy mesme.
L'aidera, le confortera.
Luy fera dVne mesme grâce Tout ce qu'il voudra qu'il luy face.
Ce qu'il fuyroit, ne lui fera.
Son cœur qui à bien faire tire Hors de raison rien ne désire.
Dont son voisin s'ofFenseroit.
Enuers les hommes débonnaire,
Plustost que d*vne seule en faire, Cent iniures endureroit.
L*autruy ne conuoite ny pille.
D'autruy la femme ny la fille Il ne voudroit deshonorer.
Sa main il n^a iamais polue.
Il ne rançonne ny ne tue.
Pour rien ne veut se pariurer.
S*il fault^ reconnoist son offense :
S^amande, en fait la repentance :
Et iuste et droit y satisfait.
La Religion n'est pas feinte DVn qui garde ainsi Pâme sainte, Fuyant comme mort le mesfait.
Au moins, Peruers, si de mal-foire Vous ne pouuez plus vous retraire Plongez en la perdition, Au moins de vostre forfaiture Ne faites plus la couuerture, L'innocente Religion.
La Lyre à l'Asne, au Porc la Harpe :
Haze au viuier, au clapier carpe.
Qui Toit ne Toit : Qui voit ne voit.
L'ignorance est mal volontaire.
C'est grand mal telle faute fieiire^ Qui refait horreur si on Toit.
Hors de raison tout extrauague :
£n exil la vérité vague :
L'art non art suit principes faux.
Pour ne voir plus les choses nettes Les hommes ont faulses lunettes; Ignorance nous fait cheuaux.
Esprit volant d*aele légère
Trebusche son homme en misère.
Ne deprise auant que priser.
Celuy qui lourd porte vne teste
Plustost que d'homme d'vne beste,
Ne sçait priser ny despriser.
Du bonheur vient la nonchalance,
De nonchalance l'ignorance,
D'ignorance part le mépris.
Du mépris sourd la félonie,
De félonie tyrannie :'
Du Tyran la mort est le prix.
Honte malignité surmonte.
Dommage suit la sotte honte.
Honte souuent sert, souuent nuit.
Peu de crainte grand mal euite.
La crainte perdant on profite.
En son temps toute chose duit.
Qui vaincre peut, la paix demande.
De peu de cas vient chose grande.
L'ennemi mort la guerre faut.
Le priué, le public empire.
Si le Roy tout sçauoir désire.
Beaucoup de clémence il luy faut.
La vertu ferme tout emporte.
Plus tu peux, plus doux te comporte.
Qui vend le public, il se vend.
A traistre iamais ne te fie.
Gloire auecque peine establie
Par vn hazard se perd souuent.
Grands honneurs font les grands courages.
Presse de maux les rend sauuages.
Au desespoir s'oubli' l'honneur.
Tous ensemble faut entreprendre,
Ou bien chacun à part se rendre.
Vertu conqueste vn doux bonheur.
Hantise abat la reuerence,
La douceur du superbe tance.
Vaincu patist, ne fait la loy.
Los mesprisé croist d'auantage.
Euenemens font le fol sage.
Qui tient sa foy, fait tenir foy.
A mesme tout et ne rien faire
C'est des cœurs la perte ordinaire.
Grand dueil ne reçoit reconfort.
En guerre où plusieurs Chefs commandent
Les afiaires point ne s'amendent.
Le bon ordre fait le plus fort.
Rien ne craint Pestât en concorde.
Ce qui plus oste la discorde
C'est la crainte de Testranger.
Ne resou rien à la volée.
Depuis qu'elle est à la meslee,
Bataille ne peut se ranger.
Qui fait hostilité, Tendure :
Plus vaut à repousser Tiniure
Qu'à la faire l'homme de cueur.
Qui à rien qu'au public ne tire,
Les cœurs des hommes il attire.
• Qui se borne soit 'le veinqueur.
Peu vient à bien l'outrecuidance.
Courroux s'éfume sans vaillance.
Qui le sien garde assaut Tautruy.
Peu profl&ter, prou peuuent nuire.
E^nnemi fait vertu reluire.
Qui hait et doit, sent double ennuy.
Il craint qui sçait que vaut fortune :
Fortune n'est contente dVne.
C'est honte perdre par mésoing.
Qui veut auancer il auance.
Victoire la guerre commence.
L'heur passe tost qui n*en a soing.
La vertu des Rois c'est sagesse :
L'honneur, c'est la sage vieillesse :
La force, l'amour des suiets :
La joy', le ieune âge sans vice :
La charge^ l'entière iustice :
La richesse, vne ferme paix.
Ce qu'Art ne peut^ hazard l'acheue.
Plus le mal surprend, plus il gréue.
Les Roys croyent trop de léger.
Qui pour bien mourir, veut bien viure.
Raison non passion doit suiure.
Méprendre fait mal rengreger,
A tous non à chacun faut croire.
Grandeur fait le caché notoire :
La contrainte est demi raison.
Tant ne plaîst la chose conquise Que la chose qui est requise :
Peur de perdre est d'amour tison.
Mieux va Testât et la prouince Où seul mauuais règne le Prince, Qu'où tout son conseil ne vaut rien.
La certaine garde et defence Ou Roy gist en son innocence :
En son conseil le commun bien.
Parle à Dieu comme ouy des hommes;
Comme ouy de Oieu parle aux hommes
Sage ne peut estre contraint.
Le temps est de vérité père,
Vérité d'Innocence mère,
D'Innocence vertu s'empraint.
Rien violant long temps ne dure.
Coustume est vne autre nature.
Beaucoup se perd^ où peu fait tout.
Q.ui bien commence, bien auance.
Qui par petite erreur commence,
En grande erreur se trouue au bout.
Croire tu dois, qui veux apprendre.
Fromtement nul ne peut comprendre
La chose à laquelle il n'est duit.
A force d'entente pareille * •La mémoire promte s'éueille.
Penser nouueau soudain s'enfuit.
L'homme bien né sçauoir désire.
Bien sçauoir celuy se peut dire
Qui peut enseigner bien à point.
Quelques vns aiment mieux parestre
D'estre sçauans et ne point Testre,
Que l'estre et ne parestre point.
Auarice est outre nature,
Qui rien que Tauoir ne procure.
Mais des pièges il inuenta
Qui premier se meit à bien faire.
L'homme aime Thomme d'ordinaire,
L'auare seul s'en exemta.
Qui ppnse ignorer, se dispose
A chercher ce qu'il se propose :
Le bien cherchant 1^ trouuera.
L'ayant trouué quoy que puisse estre
L'ira iuger et le cognoistre :
Le iugeant sçauant se fera.
Bien juger appartient au sage.
Le peuple est maistre du langage.
Chacun vault où il est prudent.
Nul à l'autre ne fait apprendre
Ce qu'il n'ha ny ne sçaît comprendre.
L'erreur des grands nous va perdant. Qui ne croit ce qu'on luy propose^
 le reprouuer se dispose.
S'il ne sçait pas le reprouuer,
Qu'il le croye et que plus n'en doute.
Qu'vn autre il croye et qu'il l'écoute,
Celuy qui mieux ne sçait trouuer.
Le mal assoupi ne remue :
Si nature faut, l'art le mue.
Que le Prince luy-mesme aux bons
Les honneurs et les estats donne.
Mais que des autres il ordonne
Pour faire les punitions.
Ren à chascun comme il est digne.
C'est blasme donner à Tindigne :
Bienfait mal assis est méfait.
A Dieu^ la maiesté Royale
Par libéralité s'égale.
L'homme à l'homme est Dieu, qui bien fait.
Vertu fait la vie- meilleure.
Vertu c'en est l'encre plus seure.
Que nul fortemps ne forcera.
Ne songe ce qui n'est à faire.
Fay beaucoup, et ne promé guère :
Aime ton peuple, il t'aimera.
Aime toy^ non d'amour si vaine Que toute autre amour te soit peine.
Qui s*aime trop n'a point d'ami.
Ami, qui vn autre ami aime Et le secourt, fait pour soymesme.
Sot ami, c'est vn ennemi.
Aux affaires se fait le sage.
Pren le certain pour Tauantage.
Qui pense bien n'est pas oisif.
Pensant bien, tant de fois on pense Que l'on pense auecques prudence.
Qui pense plus est moins fautif.
Efforce toy de si bien faire Qu'en bien faisant td puisses plaire A tous non seulement à toy.
Vn bon Roy, Dieu nous représente.
Le Roy, c'est vne loy viuante :
Tant la loy peut auec le Roy.
Prou de sens en peu de langage* Le fou se perd là où le sage En peu de mots le vray déduit.
D'vn petit glan sourd vn grand chêne :
Petits chainons font la grand chaîne :
Petit labour porte grand fruit.
Changeons propos puis que tout change.
Le gros brochet le menu mange :
La fourmi mange les crapaus.
D'habits d'autruy mal on s'honore :
L'oiseau se perd qui trop s'essore,
Si Ion vole mal à propos. Comme auroit la langue emplumee . Renard qui dort la matinée?
La force le perd où est l'art.
Qui n'ha rien en ce maudit âge
Est tenu pour fol, fiist-il sage.
La peste fuy tost, loing et tard, lettez viste la verge blanche :
Qui s'obstine sus la reuanche
Pourra bien se voir à l'aflac.
La matière enfoncer on n'ose :
Et perderons-nous nostre cause
Pour n'auoir veu le fonds du sac?
Vous ne voulez quitter les armes i
Gardez du Crocodil les larmes :
Et de l'Aspic gardez la dent.
Gardez du Basilic la veue ;
Gardez du Scorpion la queue.
On peut bien rire en se perdant.
C'est vn vieil mot, ou rendre ou pendre :
Quartier vendu fait l'autre vendre :
Vous battez, les autres prendront.
Autour acharné sus la poule
Fuit son gibier. Le temps se coule :
Nos ans vont, et plus ne viendront.
Fol quiert malheur. Fol tost commence.
Fol se débat. Fol rien n'auance.
Fol est soudain foi decouuert.
Fol plus dépend qu'il n'ha de rente.
Fol de raison ne se contente.
Fol se laisse prendre sans verd.
Fol ne garde son asseurance :
Fol se paist de vaine espérance :
Fol se repent, fol se déçoit.
Fol ce qu*il tient à ses pieds iette.
Fol quitte et lasche et puis regrete.
Fol ne croit que quand il reçoit.
Le Corbeau trouua la Vipère
Qui dormoit : et d'elle veut ftiire
Son gibier. Du bec la beca.
Elle se reueille bequee :
Et s'eueillant s'est rebequee :
Mord à mort cil qui la pica.
Ce Dieu que l'Vniuers adore
Père de tous, le Père honore
En la gloire de ses enfans.
Ainsi qu*il honore Te Père,
Fait luire Thonneur de la mère • Entre ses enfans trionfans. Ne suy du papillon la ioye :
Vn mal appaisé ne rudoyé :
De la fumée ne tombe au feu,
Par Taele ne prent la Cigale.
Le vin tu as fait si Tauale.
Lors ce fut ieu ; ce n'est plus ieu.
Vn grand désert de grande vile :
Femme et vin perd le plus abile :
Emant aillé n'attire fer.
La figue i'appelle la figue.
Pour entrer en la saincte ligue, Faut vomir la poison d*enfer.
Le croyant ne le voudras croire.
Le riche (c'est chose notoire) Est méchant ou fils de méchant.
Don d'ennemy c'est malencontre :
Chastoy d'ami c*est bonnencontre :
Qui te mordra te va léchant.
le ne mange pain de mensonge :
Désir d*auoir mon cœur ne ronge.
De parler aux foux vient mépris.
L'enfant chastie et discipline :
Achette la bonne doctrine :
Ne la ven, car elle n'a pris.
La débauche est la fosse creuse :
Vn piège l'amour cauteleuse.
Q.ui se remord r qui se repent?
QjLii suit l'amour et la mollesse.
Volupté glisse flateresse. Et pique et mord comme vn serpent.
Le débauché c'est vn nauire Où le pilote yure soupire Sus la mer vn somme profond.
T'ont batu sans que t'en doulusses :
T'ont tiraillé sans que le sceusses :
Verras tu point ce qu'elles font?
Le dernier venu c'est le maistre :
Oysons meinent les Oyes paistre :
Le Loup mourra de dans sa peau Sinon que tout vif tu l'escorches.
Marchez deuant les portes-torches :
Lon brunche au chemin le plus beau.
O Cheureuil le Lyon n'attaque :
Le portant hasté se détraque :
Dieu peut tout, mais tout il ne veut.
Les grands bœufs ne font les grans raies.
De grands langages grandes baies.
L*homme veut tout qui rien ne peut.
Les asnes s'affublent de chapes :
Dieu sçait comment se font les Papes.
Rois naissent tels qu'il plaist à Dieu.
Chacun veut emplir sa besace.
Qui fait bien, n'ha ny gré ny grâce.
Adieu Pestât, les loix à dieu.
Belles fleurs naiues et franches.
Qui florissiez nettes et blanches,
Fermes en fidelle candeur,
Le Sceptre d*or entre vos fueilles
Droit s'éleuant, haut à merueilles
lettoit vne grand' resplendeur.
La blancheur s*est fiiite sanglante :
En noirceur hideuse et dolante,
L'or du Sceptre s'est obscurci.
Vos fueillesisont toutes flétries :
Vos beautez se sont defleuries :
Vostre pouuoir s'est raccourci.
Mais quand auec la primeuere
Vn Soleil qui meilleur éclere.
En douce paix vous reioindroit,
O blanches fleurs gayes nouuelles
Plus que iamais floririez belles.
Vostre honneur au loing s'étendroit.
Changeons de ieu. La ligne aligne:
Iamais tigneux n'aima le pigne :
Haine de Princes est la mort.
Grand bien ne s'aquiert en peu d'heure.
 qui trop pense, prou demeure.
Qui plaide à son seigneur ha tort.
Le fol à son maistre se ioue :
Du char la plus méchante roue
Est celle qui crie tousiours.
Morte la fille, mort le gendre :
Grand priuauté mépris engendre:
Mauvaise garde paist les Ours.
Lon connoist au fait que vaut l'homme :
Le loup retourna loup de Romme:
Bon gardeur passe Tamasseur. -
Méchant ouurier bon outil blâme.
Qui put le plus^ le plus s'ambâme.
Croire de legier n'est pas seur.
Le temps le quiert, le ciel l'ordonne :
 ceux qui ont l'auoir se dpnne :
Trop haut monté doute souuent.
Fin larron le larron dérobe.
Deuers le feu la double robe.
Le mauuestu deuers le vent.
Trop de miel mangé s'amertume :
Qui trop le plaisir accoustume^
Gaste du plaisir le plaisir.
Le chien ce qu'il vohiist remange.
Le fol de faillir ne s'étrange :
Hastif se repent à loisir.
C'est malheur voir le droit enfreindre
Par vn de qui ne t'oses plaindre.
L'auant iugé sans iugement
Condamne souuent l'innocence.
Vouloir dire et n*auoir licence
De parler, c'est un grand tourment.
Le petit craint du grand la faute :
Du puissant la commande haute, SUl ne commande bien se perd .
Du fier la gloire deuient honte :
Tort il attrait qui n'en fait conte :
Grain Tennemi qui moins appert.
La grand' mauuaistié se retire Sous beau parler. Le mal est pire .Qui fait le plus montre du bien.
Couardise on nomme cautelle :
Chicheté ménage on appelle :
Mais l'asne est asne, et le chien chien.
Soy dur à ouir qui accuse :
Se taire du haineux est ruse.
Le doux langage ha son venin.
Qui doute, entreprend d'asseurance En fait d'iniures, Toubliance Est remède seur et bénin.
Rigueur vient où iustice tarde :
Le malade qui mal se garde Son médecin rend maupiteux.
Sinon à tort nul te haïsse.
Puni le dur en sa malice :
Pardonne à qui sera honteux'.
Malheur malheur Phomme seul greue.
S'il chet il n'ha qui le releue :
S'ils sont deux, deux s'entr'aideront.
Vne corde deux fois retorce Endurera plus d'vne force :
Tire grand charge, et ne se rompt.
Le Porc enseignera Minenie.
Qui ne sçait maistriser qu'il serue :
Chacun pour soy et Dieu pour tout
Qui se pourra sauuer se sauue.
Fortune par derrière est chauue.
Prendre faut tout par le bon bout.
Cherchez et sçauoir et sagesse.
Qui ha les lettres, ha l'adresse
Au double dVn qui n'en ha point.
Donne à Fortune peu de chose.
Beaucoup te rendra. Qui rien n*ose
N'auancera iamais dVn poin(.
Ose Mortel chose mortelle.
L'Asne auec le Cheual n'attelle.
Qui peu ne garde, perd beaucoup.
Méchanceté n'est corrigeable :
La simplesse est trop deceuable.
Pense et repense auant le coup.
Deffie toy : la deffiance
£st tout le nerf de la prudence.
Sois iuste ; et Dieu te poussera.
L'homme mal né ne peut reluire :
Doctrine le bien né peut duire.
Nonchalance le gastera.
Le souffreteux est misérable,
Et le trop riche est enuiable.
Puisse-ie viure entre les deux !
Au moyen mon désir ie fiche.
Pour ne me voir ny gueux ny riche
l'eli mon aise au milieu d'eux.
Le bien-fait receu remémore :
Qui peut te faire bien, honore :
Applaudi Phomme de valeur.
Insolent ne soit qui prospère:
Au malheur ne te désespère.
Pour peu bonheur, pour «peu malheur.
Au chef, des soldats la prouesse.
Tarder fasche, et fait la sagesse.
Fay longs aprests pour vaincre tost.
Cent fois remue, vn coup arreste :
Fautes d'autruy font saine teste.
Vn perd ou sauue tout vn ost.
Ne passe rien à prendre garde :
Il court assez qui bien retarde.
Qui sert au temps, il est loué.
S'oublier quelquefois profite.
Qui fault pour bien faire, mérite :
Bien qui nuist, est desauoué.
Mauuais conseil ne porte change :
Mal à propos il se reuange
Qui au méchant ioint l'innocent.
Cour plustost mespris que folie :
Où règne sens, l'œil ne s'oublie :
Il faut qui aux fautes consent.
Rire d'vn malheur, c'est outrage :
L'iniure s*aigrist du langage.
Qui choie méchant, nuit au bon.
Hyer fut d*auiourd*huy le maistre.
De l'autruy volontiers se paistre
Longuement ne plaist sans cuisson.
L'accoustumance est loy bien dure :
Qui prend trop d'aise il en endure :
Il perd sa foy qui n'en ha point.
La foy c'est tout ainsi que l'ame :
D'où part iamais ne s'y reclame.
Bonté change si on la point.
Il ha de quoy qui veult mal faire.
L'autruy le nostre fait déplaire.
C'est régner ne rien conuoiter.
Louange et débauche n'accorde.
Où n'y ha point miséricorde.
Que sert prier ny lamenter?
Blasme par méchant est louange :
Il est loué, non qui estrange,
Mais qui range ses appétits.
Qui veut passer son outrepasse
L'égalera s'il ne la passe.
Ne demourant des plus petits.
Tort se fait qui l'indigne prie.
Qui fait pitié se fortifie.
Pitié d'autruy de soy ha soing.
Qui preste en heur, au mal le treuue.
Qui est bon, cherche en feire preuue
Plaisir double, offert au besoing.
Qui tost donne, deux fois il donne.
Vn beau refus pour bienfait sonne.
Prompt refuseur tromper ne veut.
Qui bien l'assied reçoit la grâce :
Vn bon cueur le méfiait ne passe:
Plus reçoit qui plus rendre peut.
C'est dol prendre et ne pouuoir rendre;
Prendre c'est sa liberté vendre.
De mesme cueur il prend qui rend.
Qui ne sçait donner ne demande.
Qui souuent donne redemande.
Don de riche tost se reprend.
A qui tousiours de dons tu vses,
Larron le fais si le refuses.
Tanser qui cherche en toy recours,
Cest le condemner de mal faire.
Tanser vn homme en sa misère
Cest cruauté non pas secours.
Qui dit, homme ingrat, il outrage.
Homme ingrat à tous fait dommage.
Les ingrats font les bons, vilains.
Peu manque aux pauures, tout aus chiches.
Les auares quoy qu'ils soyent riches
lamais ne sont ny soûls ny plains.
L*auare sur tous se mal tréte :
A Tauare autant fait disette
Ce qu'il ha que ce qu*il n'ha pas.
Pour tout mal aux auarès prie
Et souhaitte vne longue vie.
Rien ne font de bien qu'au trespas. C'est vne honte bien honneste,
Pour vn bon droit perdre la teste.
Bonne honte sort de danger.
Au fait douteux vaut hardiesse :
Deshonneur la noblesse blesse.
Noble ne peut s'asseruager.
Vieil tort souffert nouueau tort meine :
Vengeance faut s'elle est soudaine.
Qui se vange vit de nouueau.
Grand ennemi veine qui veine l'ire «L'ire du bon tost se retire.
L'ire met l'homme hors de cerueau.
Patience outrée deuient rage.
Le courroucé s'estime sage
Où c*est qu*il est plus transporté.
Au courroucé ne laisse en voye
Le baston. Le puissant foudroyé
Se courrouçant d'authorité.
Que nul à bon droit te haïsse.
Rigueur approche de iustice.
Pren mal aise, Taise prendras.
Ce qui ne peut changer, supporte
Et ne t*en plains. De ce qui porte
Changement, estât ne feras.
Bien peut se cacher non s'éteindre.
Pour délaissé tu ne dois plaindre
Cela qui n'est qu'entrelessé.
Le beau dessein, bien qu'il demeure.
Pourtant ne fout dire qu'il meure :
L'honneur foulé n*est oppressé.
Nouueau los, le vieil los remonte :
Blâme frais l'honneur vieil démonte.
L'honneur d'indigne est deshonneur.
Bon renom luit mesme en cacheté.
L'honneur est de grand garde et guete.
Le grand thresor que c'est l'honneur !
Ce mal est de tous maux le pire
Où l'offensé n'ose mot dire.
Tout malheur se croit de léger.
Qui gaigne et gaignant se diffame,
Il perd : c'est vn honneste blâme
Pauure estre dit bon ménager.
En cueur attristé ne te fie.
Souffrir à douloir remédie.
Tourment fait mentir l'innocent.
Le mal de l'ennemi soulage
Le mal de qui reçoit outrage.
Le mal qui fait bien on ne sent.
Ce qui plaist à tant, à grand' peine Peut se garder. Le cheueu meine Sa petite ombre auecques luy.
Coupable craint de comparoistre :
Quoy que petit il le vist estre^ Le sage craint son ennemy.
Qui tousiours craint, se rend coupable.
Au mal qui n'est point euitable C'est grand folie en auoir peur.
Qui craint ruine, la ruine •
Tost ne Taccable ny ruine :
Qui ne la craint tombe au malheur.
O quel malheur vieillir de crainte!
L^homme qui craint dauant l'atteinte, Est doublement de maux attaint.
Moins est que le valet le maistre Qui craint ses valets. Bien doit estre Léger le sommeil où Ion craint.
Maiesté sans force n'est seure :
De mal-auis malheur demeure.
Aise et mal se suiuent de près.
Tant ne vaut victoire espérée Que la bonne paix asseuree :
Appaise Dieu : commence après.
Nul grand estât de paix n'a ioye :
Car si dehors il ne guerroyé, L'ennemi trouue en sa maison.
De trop d'aise la négligence :
De négligence l'insolence :
D'insolence maux à foison.
O Déesse de grand' puissance A qui rendent obéissance Les habitans du monde bas :
Toy qui es tout aussitost preste, Comme de les hausser au feste, De les ietter du haut en bas.
O toy, qui maistresse te ioués, A faire les sceptres des hou£s, Tirant le pauure du fumier :
Q.ui renuerses en funérailles Les grands trionfes des batailles, Perdant leur orgueil coustumier.
Le craintif ouurier de la terre Deuotieux te vient requerre:
Le Portugois, qui ses vaisseaux Met sur la mer en équipage.
Pour faire auare vn long voyage, Te doute, O la Roy ne des eaux.
Le Saxon pistolier horrible.
Le Turc Tyran archer terrible, L'Espagnol fin et valeureux :
Les Citez en toutes contrées.
Et les Roynes de peur outrées, Et les Roys te craignent pour eux.
Que dVn pié vangeur par iniure Tu n^abates la fierté dure Ou pilastre planté debout :
Que le peuple par chauds alarmes N'émeuue le repos des armes Pour troubler Tempire par tout.
Tousiours la nécessité forte, Qui démarche dauant toy, porte Ses gros doux en sa main de fer, Et brandist la barre cruelle, Et iamais ne s'esloignent d^elle Les outils des bourreaux d*enfer.
Bonne Espérance et la Foy rare Peu souuent d^auec toy s'égare, Couuerte d'un blanc vestement:
Combien que, laissant ennemie Des puissans la douteuse vie, Toy, tu changes d'accoustrement.
Mais le vulgaire variable.
Et Tamie non guiere stable, Arrière esloignez s'en iront :
Lors que le vin est à la lie Les amis de la compagnie Cauteleux se départiront.
O Oeesse vien secouratle:
Et fay le mutin misérable.
Qui s'éleue contre mon Roy.
Contre le félon fauorise De mon iuste Roy l'entreprise.
Et chasse des siens tout eîSroy.
O la honte de nos furies !
O rhorreur de tant de turies
De Citoyens à Citoyens!
Quelle façon d'indigne outrage Ne court forcenant de nostre âge Contre le droit de tous liens ?
L'hoste desloyal vend son hoste :
Ce temps maudit des maris oste Et rompt la saincte liaison :
Rien n'a valu le nom de Père, Ny de fils : rien le nom de Frère, Pour garantir de la traison.
Où ne s'est elle débordée Nostre jeunesse outrecuidee^ Où a t elle eu dauant les yeux Pe Dieu vangeur la bonne crainte, Si bien qu'elle se soit rétreinte De profaner les dignes lieux ?
De quels temples la place pure Ont-ils sauué cte leur ordure, Qu'ils n'ayent méchamment souillé ?
Et quelles personnes sacrées N'ont-ils (les perdus) massacrées i Quel Sepulchre n'ont-ils fouillé?
Des morts, aux caueaux des Eglises A sac par sacrilège mises, Ils ont troublé le saint repos :
Et les reliques tant prisées^ Arrachant des chasses brisées, Aux chiens en ont ietté les os.
Des deuotieux monastères.
Ils ont faict déserts solitaires Le troupeau deuôt banissans :
Les vierges à Dieu dédiées
Ont incestement mariées,
Des vœux le respect honnissans.
Faisant ieu de grandes malices, Ont renuersé les édifices, En l'honneur divin consacrés :
Dont les déplorables ruines De leurs impietez malines Sont les monuments exécrés.
Mettez fin, Engeance exécrable, Â telle rage misérable, Ouuriere de tant de mesfaits :
Soûls et las de vostre mechance^ Cessez par cruelle venge nce D'expier forfaits de forfaits.
O Dieu dors-tu^ quand le pariure Orgueilleux en son ame impure^ Braue l'innocent outragé.
Le déloyal hautain prospère : Les Bons (desquels tu t;^ dis père) Quit.ent leur pais sacagé^
La haue langueur dj famine Le peupU des champs extermine^ Fuyant de son maudit labeur :
Qui banni de sa maison erre Et quiste en estrangere terre, S'accable dVn dernicîr malheur.
La guerre abat Phonneur des villes^ Âneantist des loix ciuiles La crainte par impunité:
La fiere ignorance authorise, Les bonnes arts defauorise.
Manques du loyer mérité.
Dieu fennuis tu de ton ouurage i Veus-tu bastir vn nouuel âge Ruinant le siècle peruers ?
Les saisons vont desaisonnees :
Le cours déréglé des années Se fouruoye errant de trauers.
En lanuier contre la coustume L'air de flambans éclairs s'allume :
Nous auons le tonnere oui En Âuril et May pesle-mesle.
L'orage, la neige et la gresle Tout plaisir ont éuanoui.
De Phyuer Toisiue froidure Outre son terme prefix dure, L'espoir du printemps retardant :
Les fruits en la fleur auortee Fraudent leur ioyeuse portée Dauant la montre se perdant.
C'est que la terre débauchée A la Deyté recherchée Cesse de rendre vn sainct deuoir. Les mortels les grans Dieux irritent, Et mal deuôts plus ne méritent De sentir leurs grâces pleuuoir.
Mais le Ciel courroucé menace Des humains éteindre la race.
Vn Comète plein de terreur De rayons malins nous regarde, Qui soufrete et famine darde, Peste, gast, meurdre, et toute horreur.
O vray Dieu si nous pauures hommes, L'ouurage de tes mains nous sommes:
Si tu es tout bon, tout puissant :
Si tu veux et tu peux bien faire.
DVn œil clément et salutaire, Voy-voy ton peuple périssant.
Les Mahometans infidelles, Tartares^ Turcs âmes cruelles, Veus-tu les auoûer pour tiens?
Es-tu leur Dieu Pasteur et maistre, Que tu les vois florir ^t croîstre Baissant Thonneur des Chrestiens i
Qui de haine et rancueur meurdriere De tes loix ne se chalans guiere, Maudits s'entreuont guerroyant :
Voire ceux d'vne mesme terre Pour ton nom s'entrefont la guerre :
Et tu les vois, ô Foudroyant t
le ne croy que tu puisses prendre Plaisir à voir le sang répandre Des tiens par les tiens dehachez :
Ton honneur tres-saint tu ne laisses En garde à des mains vangeresses Des cruels de meurtre entachez.
La Paix bonne et PAmitié belle (Non haine et discorde mortelle) Accompagnent ta Royauté:
Doncque bon Dieu nos cueurs inspire DVn meilleur esprit ; et retire Nos mains de toute cruauté.
Empesche nos erreurs de croistre :
Fay que tous puissions te cognoistre, Si ta grandeur nous le permet :
Ou garde que par ignorance
Ne nous perdions à toute outrance, Mal qui sous ton nom se commet.
Par ta saincte et clémente grâce De nos fils amende la race, Ramenant vn siècle plus doux :
Repurgeant nos péchez, émonde Le plant vicieux de ce monde :
Oste Tensanglanté courroux.
Des peruers le dessein foudroyé :
La ieunesse à la vertu ployé :
Aus vieux donne vn doux reconfort.
Ta clairté sur mon rot rayonne.
Fay quVn bon conseil Penuironne, Le tenant droiturier et fort.
Fay que ma chanson véritable Soit dauant mon Prince agréable:
Fay quMl maintienne la vertu :
Et de la langue flateresse, Qui me tasche ofienser traîtresse, Mousse le tranchant rabatu.
Ainsi par concorde assurée La Roy ne leur Mère honorée, Puisse voir en prospérité De ses fils le Royal lignage Florir, tous viuans vn long âge :
Moy iouyr du don mérité.
