SOMME DE CINQUANTE LIVRES GROS A LUY LEGUEE EN CE TESTAMENT
Ma commère ma bonne amye, je me recommande a vous de très bon coeur. J'ay a ce soir receu vos lettres, et quant aux cinquante livres gros que vostre bon feu mary (cui Dieu pardoinct) mavoit donné par testament, il est vray que j'ay escript à Henri Nieulandt, votre compère, que ie les quittoye et donnoye a vous et a voz enffans, et l'ay faict volontiers et de bon cœur; prenez les en gré.
Quant à ce que Nicolas Dault (2), vostre oncle, s'est déporté d'estre tuteur de vos enffans, j'en suis bien ioyeulx; aussy yl a d'aultres affaires, par quoi yl ny pourroit bonnement vacquer ne entendre ; aussy ne pourroit faire Guido, son frère (3).
Du faict de mademoiselle de Meetkercke ( 4 ) touchant une amende que luy demande ung Romboult, etc., jen ay parlé a maistre Jehan Robbyns, doyen de ceste ville et jadiz mon chappellin, qui ma dict quil ne cognoit point ledict Rom-
(1) Voir p. no.
(2) On lit en marge les notes suivantes : « Ce Nicolas Dault estoit filz aisné de Golart Dault, natyf d'Amiens, de parens nobles, et de dam le Magdaleine de Baenst.
« La maison de Dault est passée en chapitre noble à Maubcuge au regard de Eleonore et Adrienne de Meetkercke, qui portent de costé du père : Meetkercke. Vasscnare. Dault. Baetut. »
(3) « Ce Guydo avoit espousé dam'« Josync de Varssenare. »
(4) « Je croy que ceste dam Ie Meetkercke est la fille de Jacques de Meetkercke escuyer, s r de Marcke, et de dam' 1 Barbe Dault, soeur desdits Guydo et Nicolas. »
boult, ne scait qui yl est; sil avoit quelque cognoissance de luy, que volontiers et de bon ceur yl le feroit.
J ay pensé que ferez d'en parler a maistre Roland de Moerkercke (i), qui estoit grand amy de vostre dict feu mary, et est très homme de bien, comme scavez. le scay bien quil en parlera volontiers à mons r de Middelbourg ( 2 ), qui est son beaufrère, car ylz ont espousé deux soeurs germaines, filles de feu Martin Lem (3), cui Dieu pardoint, duquel aussy ie n'ay aulcune cognoissance; car si ie l'avoye, ie le feroy de bon coeur, Dieu le scait ; auquel ie prie quil vous ayt, ma mye et ma bonne commère, en sa saincte garde. A Mabuus, le iour S 1 Estienne.
Ma bonne commère, depuis ces lettres escriptes, mes* r Paul Robosthe, mon chappelain, m'a dict quil cognoist bien ce Romboult ; et yl luy escript une lettre en la faveur de vostre cousine, que ie vous envoyé avecq cestes pour les luy présenter.
Vostre bon amy et compère, l'evesque d'Arras (4).
(1) « Ce Roland de Moerkercke fut eonseillier à Gaiid, et, de par sa femme Martine Lem, parent a Deuys Mettenaye, deuxième mary de Catherine Dault. »
(2) « Yl s'appeloit Guillaume Hughonet, fllz du chancelier. » Ce dernier fut décapité à Garni, sous le règne de Marie de Bourgogne, le Jeudi Saint, 3 avril 1476 (v. st.). 11 avait épousé Marie Lem.
(3) « Ce Martin Lem estoit bourgmestre de Bruges en 1472. »
(4) « Il s'appelloit Nicolas Ruler et avoit esté auparavant premier secrétaire et audieucier, puis prevost de Louvain. » (V. p. 14.)
