DE MAISTRE GUILLAUME CRETIN,* POETE FRANÇOTS

Seigneurs passans, comment pourrez-vous croire De ce tombeau la grand pompe et la gloire? Il n'est ne painct, ne polly, ne doré, Et si* se dit haultement honnoré , Tant seulement pour estre ^ couverture D'ung corps humain cy mis en sépulture : C'est de Crétin, Crétin qui tant sçavoit. Regardez donc si ce tumbeau avoit De ce Crétin les faictz laborieux.

Comme il debvroit estre bien glorieux Veu qu'il prend gloire au povre corps tout mort Lequel par tout vermine mine et mord.

0 dur tombeau , de ce que tu encœuvres * Contente-toi , avoir n'en peuz les œuvres : Chose éternelle en mort jamais ne tombe , Et qui ne meurt n'a que faire de tombe.

\. Mort en 1525.