DE L AMYE BIEN BELLE

Amour, me voyant sans tristesse Et de le servir desgouté, M'a dit que feisse une maistresse Et qu'il seroit de mon costé.

Après l'avoir bien escouté, J'en ay faicte une à ma plaisance Et ne me suis point mesconté : ^ C'est bien la plus belle de France.

Elle a un œil riant qui blesse Mon cueur tout plein de loyaulté, Et parmy sa haulte noblesse Mesle une doulce privaulté.

Grand mal seroit si cruaulté Faisoit en elle demourance ; Car quant à parler de beauté, C'est bien la plus belle de France.

De fuyr s' amour qui m'oppresse, Je n'ay pouvoir, ne volonté.

1 Mécompte.

Arresté suis en ceste presse Gomme l'arbre en terre planté.

S'esbahyt-on , si j'ay planté* De peine, tourment et souffrance?

Pour moins on est bien tourmenté ; C'est bien la plus belle de France.

ENVOY

Prince d'amours, par ta bonté Si d'elle j'avois jouyssance , One homme ne fut mieulx monté, C'est bien la plus belle de France.