DU DISCIPLE SOUSTENANT SON MAISTRE CONTRE LES DÉTRACTEURS

Du premier coup entendez ma response , Folz détracteurs, mon maistre vous annonce Par moy, qui suis l'un de ses clercs nouveaulx , Que pour rimer ne vous craint deux naveaulx. Et eussiez -vous ^ de sens encor une once.

Si l'espargnez, tous deux je vous renonce : Picquez-le donc, mieulx que d'espine, ou ronce, Luy envoyant des meilleurs et plus beaulx,^ Du premier coup.

Et tenez bon, ensuyvant ma semonce; Car si ung coup ' ses deux sourcilz il fronce , Et eussiez-vous de rimes et rondeaulx Plein trois barilz, voyre quatre tonneaulx, Je veulx mourir s'il ne les vous deffonce Du premier coup.