AU ROV, POUR AVOIR ARGENT AU DESLOGEB DE REIMS

Au départir de la ville de Reims, Faulte d'argent me rend foible de reins, Roy des Françoys, voire de telle sorte! Que ne sçay pas comment d'icy je sorte , Car mon cheval tient mieulx que par les creins.-

Puis l'hoste est rude et plein de gros refrains; Je y laisseray mors, bossettes et frains. Ce m'a-il dit, ou le diable l'emporte.

Au départir.

Si vous supply, prince que j'ayme et crains, Faicte miracle : avecques aulcuns grains , Ressuscitez ceste personne morte ; Ou autrement demourray à la porte Avec plusieurs qui sont à ce contrainctz Au départir.