DU CONTENT EN AMOURS

Là me tiendray où à présent me tien, Car ma maistresse , au plaisant entretien , M'ayme d'un cueur tant bon et désirable Qu'on me debvroit appeller misérable Si mon vouloir estoit aultre que sien.

Et fusse Hélaine, au gratieux maintien, Qui me vint dire : « Amy, fais mon cueur tien, » Je respondroysr (( Point ne seray muable. Là me tiendray. )>

Qu'un chascun donc voyse ^ chercher son bien ; Quant est à moy , je me trouve tresbien , J'ay dame belle , exquise et honorable ; Parquoy, fussè-je unze mille ans durable , Au dieu d'amours ne demanderay rien :

Là me tiendray.

Aille.