SUR LA DEVISE DE MADAME DE LORRAINE, AMOUR ET F O

Amour et foy sont bien appariez, Voire trop mieulx ' ensemble mariez Que les humains qu'en ce monde on marie; Car jamais foy de l'amour ne varie , Et vous humains bien souvent variez.

Dames de cueur icy estudiez :

Ces deux beaulx dons Dieu vous a dédiez, Et sont séans en haulte seigneurie Amour et foy.

Tant sont uniz , tant sont bien alliez Qu'oubliant l'ung, l'aultre vous oubliez; Si l'amour fault, la foy n'est plus chérie ; Si foy périt, l'amour s'en va périe; Pour ce les ay en devise liez.

Amour et foy.