Comme, à présent, je suis mort

A SELVA ET A IIEKOET.

Demandez-vous qui me faict glorieux?

Héleine a dit, et j'en ay bien mémoyre, Que de nous troys elle m'aymoit le mieulx ; Voylà pourquoy j'ay tant d'aise et de gloire. Vous me direz qu'il est assez notoire Qu'elle se mocque; et je me suis deceu. Je le sçay bien , mais point ne le veulx croire , Car je perdrois l'aise que j'ay receu.

A MAURICE SEVE, LYOÎNNOYS.

En m'oyant chanter quelcques foys Tu te plain qu'estre je ne daigne Musicien et que ma voix Mérite bien que l'on m'enseigne, Voyre, que la peine je preigne D'apprendre: ut, ré, my, fa, sol, la.

Que diable veulx-tu que j'appreigne, Je ne boy que trop sans cela.*