Pensant

XLTI.

DU RIS DE MADAMOYSELLK d'ALLEBRET.

Elle a tresbien ceste gorge d'albastre, Ce doulx parler, ce cler tainct, ces beaulx yeulx Mais, en effect, ce petit ris follastre C'est, à mon gré, ce qui luy sied le mieulx. Elle en pourroit les chemins et les lieux Où elle passe , à plaisir inciter.

Et si ennuy me venoit contrister Tant que par mort fust ma vie abatue, Il ne fauldroit pour me resusciter.

Que ce ris là duquel elle me tue.

DE MADAMOYSELLù DE LA ROUE.

Painctres expers, vostre façon commune Changer vous fault, plus tost huy que demain, Ne paignez plus une roue à Fortune , Elle a d'Amour pris le dard inhumain.

Amour aussi a pris la roue en main.

Et des raortelz par ce moyen se joue.

0 l'homme heureux, qui de l'enfant humain Sera poulsé au dessus de la roue.

DE LADICÏE UAMOYSELLE.

L'aultre jour aux champs tout fasché Yy un voleur se lamentant, Dessus une roue attaché.

Si luy ay dict en m'arrestant :

(( Ton mal, povre homme, est bien distant Du tourment qui mon cueur empestre :

Car tu meurs sus la roue estant , Et je meurs que je n'y puis estre. »