A quoi on n'arrive pas souvent

DE DYANE.

Hommes expers, vous dictes par science Que Dyane est en baisant beaucoup pire Que n'est la mort; mais par expérience De ce .vous veulx et vous puis contredire : Car quand sa bouche en la mienne souspire, Toute vigueur dedans mon cueur s'assemble;- Vous resvez doncq, ou certes il fault dire Qu'en la baisant, mourir vivre me semble.

A LA BOUCHE d'aNNE.

Bouche de coral précieux , Qui à baiser semblez semondre ,^ Bouche qui d'ung cueur gracieux Sçavez tant bien dire et respondre, Respondez-moy : doibt mon cueur fondre Devant vous , comme au feu la cire ?

Voulez-vous bien celluy occire Qui crainct vous estre desplaisant?

Ha bouche, que tant je désiré, Dictes nenny, en me baisant!

. Engager.

DE DYANE.

Estre Phébus bien souvent je désire , Non pour congnoistre herbes divinement, Car la douleur qui mon cueur veult occire Ne se guérist par herbe aulcunement; Non pour avoir ma place au firmament, Car en la terre habite mon plaisir; Non pour son arc encontre Amour saisir. Car à mon roy * ne veulx estre rebelle : Estre Phébus seulement j'ay désir Pour estre aymé de Dyane la belle.

DE DYANE.

L'enfant Amour n'a plus son arc estrange, Dont il blessoit d'hommes et cueurs et testes: Avec celluy de Dyane a faict change, Dont elle alloit aux champs faire les questes. • Hz ont changé, ne faictes plus d'enquestes. Et si on dict, à quoy le congnois-tu?

Je voy qu'Amour chasse souvent aux bestes, Et qu'elle attainct les hommes de vertu.

i. L'Amour, le prince que je sers.

'2. L'arc avec lequel elle alloit chasser.