ELEGIE MESLEE I) UN'E JOYE DOUBTEUSE

Le plus grand bien qui soit en amytié, Après le don d'amoureuse pitié, Est s'entrescrire ou se dire de bouche, Soit bien, soit dueil, tout ce qui au cueur touche Car si c'est dueil, on s'entre réconforte; Et si c'est bien, sa part chascun emporte. Pourtant je veulx, mamye et mon désir, Que vous ayez vostre part d'ung plaisir Qui en dormant l'aultre nuict me survint.

Advis me feut que vers moy tout seul vint Le Dieu d'amours, aussi clair que une estoille, Le, corps tout nud , sans drap , linge , ne toille , Et si avoit (afin que l'entendez) Son arc alors et ses yeulx desbandez , Et, en sa main, celluy traict bien heureux, Lequel nous feit l'ung et l'aultre amoureux.

En ordre tel s'approche et me va dire :

(( Loyal amant, ce que ton cueur désire Est asseuré, celle qui est tant tienne Ne t'a rien dict, pour vray,^ qu'elle ne tienne;