Sortent, naissent

ÉPIGRAWMES. 277

A ANNE

Puis qu'il vous plaist entendre ma pensée, Vous la sçaurez, gentil cueur gracieux, Mais, je vous pry, ne soyez offensée Si en pensant suis trop audacieux.

Je pense en vous et au fallacieux Enfant Amour qui par trop sottement * A faict mon cueur aymer si haultement, Si haultement, hélas, que de ma peine N'ose espérer ung brin d'allégement, Quelcque doulceur de quoy ' vous soyez pleine.

HUITAIN, DE l'amour d'uNE LETTRE, d'uN PAYS ET d'une chanson.

J'ay une Lettre entre toutes eslite;- J'ayme un Pais et ayme une Chanson.

N est la lettre en mon cueur bien escrite. Et le païs est celuy d'Alençon.

La chanson est, sans en dire le son : Allégez moy , douce, plaisant brunette.

Elle se chante à la vieille façon ; Mais c'est tout ung, la brunette est jeunette.