DE ANNE

Ouyr parler de ma dame et maistresse M'est plus de bien que toutes aultres veoir; Veoir son maintien, ce m'est plus de liesse^ Que bon propos des aultres recevoir; Avecques elle un g bon propos avoir M'est plus grand heur que baiser une Héleine ; Et ne croy pas, si j'avois son alaine, J'entens sa bouche, à mon commandement, Que ceulx qui ont leur jouyssance pleine N'eussent despit de mon contentement.