DE SA DAME ET DE SOYMESME

Dès que m'amye est ung jour sans me veoir, Elle me dit que j'en ay tardé quatre.; Tardant deux jours , elle dit ne m'avoir Veu de quatorze, et n'en veult rien rabatre. Mais pour l'ardeur de mon amour abatre, De ne la veoir j'ay raison apparente.

Voyez, amans, nostre amour différente :

Languir la fais quand suis loing de ses yeux , Mourir me faict, quand je la voy présente. Jugez lequel vous semble aymer le mieulx.

d'anne.

Lors que je voy en ordre ^ la brunette Jeune, en bon point, de la ligne des dieux Et que sa voix, ses doigtz et l'espinette Meinent ung bruict doulx et mélodieux, J'ay du plaisir, et d'oreilles, et d'yeux, Plus que les sainctz en leur gloire immortelle Et autant qu'eulx je deviens glorieux, Dès que je pense estre ung peu aymé d'elle.