Agréable, faite pour rendre le corps dispos

Puis que les vers que pour toy je compose T'ont faict tancer, Anne, ma sœur, m'amye, C'est bien raison que ma main se repose. Ce que je fais : ma plume est endormie; Ancre, papier, la main pasle et blesmye Reposent tous par ton commandement.

Mais mon esprit reposer ne peult mye.

Tant tu me l'as travaillé^ grandement.

Pardonne doncq à mes vers le tourment Qu'ilz t'ont donné; et, ainsi que je pense, Hz te feront vivre éternellement.

Demandes-tu plus belle récompense ?

DU MOY DE MAY ET d'ANNE.^

Moys amoureux, moys vestu de verdure, Moys qui tant bien les cueurs fais esjouyr, Comment pourras, veu l'ennuy que j'endure, Faire le mien de liesse jouyr?

Ne prez, ne champs, ne rossignolz ouyr N'y ont pouvoir. Quoy donc je te diray ? Tant seulement faiz Anne resjouyr, Incontinent je me resjouyray.