Ruse

d'an NE QUI I, UY JECTA DE LA NEIGE.

Anne par jeu me jecta de la neige Que je cuidoys froide certainement ; Mais c'estoit feu. L'expérience en ay-je, Car embrasé je fuz soubdainement.

Puis que le feu loge secrètement Dedans la neige, où trouveray-je place Pour n'ardre' point? Anne, ta seule grâce Estaindre peult le feu que je sens bien, Non point par eau, par neige, ne par glace, Mais par sentir ung feu pareil au mien.

SUR L\ devise:

Non ce que je pense.

Tant est l'amour de vous en moy empraincte, De voz désirs je suis tant désireux, Et de desplaire au cueur ay telle craincte Que plus à moy ne suis , dont suis heureux. A d'aultre sainct ne s'adressent mes vœux, Tousjours voulant, de paour de faire offense. Ce que voulez et non ce que je veulx. Ce que pensez et non ce que je pense.