Mettre les bras autour du col

De l'aultre bras que je t'eschine De fine^ force d'accollades.

LE PREMIER

Et puis?

LE SECOND

Et puis?

LE PREMIER

Rondeaux, Ballades, Chansons, Dizains, Propos-menus,* Compte-moy, qu'ilz sont devenuz; Se faict-il rien plus de nouveau?

LE SECfOND.

Si faict. Mais j'en ay le cerveau

Si rompu et si altéré

Qu'en effect j'ay délibéré

De ne m'y rompre plus la teste.

LE PREMIER

Pourquoy cela?

LE SECOND

Que tu es beste !

Ne sçais-tu pas bien qu'il y a Plus d'ung an qu'amour me lia Dedans les prisons de m'amye?

LE PREMIER

Est-ce encor de Barthélemye, La blondelette?

Et qui doncq?

t. Extrême.

'i. Espèces de traités humoristiques et familiers sur divers sujets variés. On peut voir là une des origines de la presse.

Ne sçays-tu pas que je n'euz oncq D'elle plaisir, ny ung seul bien?

LE PREMIER

Nenny vrayment je n'en sçay rien; Mais si tu m'en eusses parlé.

Ton affaire en fust mieulx allé.

Croy-moy que de tenir les choses D'amours si couvertes et closes, Il n'en vient que peine et regret.

Vray est qu'il fault estre secret, *

Et seroit l'homme bien coquart,* Qui vouldroit appeller ung quart.

Mais en effect il fault un tiers.

Demande à tous ces vieilz routiers Qui ont esté vrays amoureux.

LE SECOND

Si- est ung tiers bien dangereux.

S'il n'est amy Dieu sçait combien.

LE PREMIER

Hé, mon amy, choisis le bien. ,

Et quand tu l'auras bien choysi,

Si ton cueur se trouve saysi

De quelcque ennuyeuse tristesse,

Ou bien d'une grande lyesse,

A l'amy te deschargeras.

Sçays-tu comment t'allégeras?

Tout ainsi, par le sang sainct George,

Comme si tu rendoys ta gorge

Le jour d'ung Garesme-prenant. "