Pour te guérir

LE SECOND

J'ai faict tout ce qu'on sçauroit faire : J'ai souspiré, j'ay faict des criz, J'ay envoyé de beaulx escriptz, J'ay dansé et ay faict gambades/ Je luy ay tant donné d'oeillades Que mes yeulx en sont touts lassez.

LE PREMIER

Encores n'est-ce pas assez.

LE SECOND

J'ay chanté, le diable m'emporte, Des nuictz cent foys devant sa porte, Dont n'en veulx prendre qu'à tesmoings Trois potz à pisser, pour le moins, Que sur ma teste on a cassés.

Encores n'est-ce pas assez.

LE SECOND

Quand elle venoit au moustier,

Je l'attendois au bénoistier

Pour luy donner de l'eau béniste,

Mais elle s'enfuyoit plus viste

Que lièvres, quand ilz sont chassez.

LE PREMIER

Encores n'est-ce pas assez.

LE SECOND

Je luy ay dict qu'elle estoit belle, J'ay baisé la paix- après elle, Je luy ay donné fruictz nouveaulx

1. Faire gambades indique ici la haute danse, et danser, la basse danse