Reste

Mais quand les ans t'auront faict homme fort, Plus ne sera de guerre aucun effort; Plus voille au vent ne, fera la gallée^ Pour traffiquer dessus la mer sallée.

Chascune terre à chascune cité Apportera toute commodité.

Arbres croistront d'eulx mesmes à la ligne; Besoing n'aura plus de serpe la vigne; Et ostera le laboureur champestre Aux bœufs le joug, plus ne feront que paistre. La laine plus n'aura besoing d'apprendre A fainctement diverses couleurs prendre ; Car le bélier en chascune saison De cramoisi portera la toison, Ou jaune , ou perse ; - et chacun aignelet Sera vestu de pourpre violet.

Ce sont pour vray choses déterminées Par l'immuable arrest des destinées.

Commence, enfant, d'entrer en ce bon heur; Reçoy desjà et l'hommage et l'honneur Du bien futur. Voy la ronde machine Qui soubz le poids de ta grandeur s' encline; Voy comme tout ne se peult contenir De s'esgayer pour le siècle advenir.

0 si tant vivre en ce monde je peusse Qu'avant mourir loisir de chanter j'eusse Tes nobles faicts, ny Orphéus de Thrace, Ny Apollo qui Orphéus efface