DE PAN ET ROBIN

Un pastoureau, qui Robin s'appelloit,^ Tout à part soy n'aguères s'en alloit Parmi fousteaulx^ (arbres qui font umbraige). Et là tout seul faisoit de grand couraige Hault retentir les boys et l'air serain, Chantant ainsi : « 0 Pan,' dieu souverain, Qui de garder ne fuz oncq paresseux Parez et brebis et les maistres d'iceulx, Et remects sus* tous gentilz pastoureaux Quand ils n'ont prez, ne loges, ne toreaulx, Je te supply (si oncq en ces bas estres Daignas ouyr chansonnettes champestres), Escoute un peu, de ton vert cabinet, Le chant rural du petit Robinet.

1. Nous trouvons ici, en mai^e, dans l'édition de Dolet (1542) : Robin pour Marot.