Où tu m'auras refusé ton amour

it ORUVRES DE CLÉMENT MAROT.

Certes tu es d'estre ayaiée bien digne, Mais d'estre aymé je ne suys pas indigne. J'ay en trésor jeunes ans et santé, Loyalle amour et franche voulenté , Obéissance et d'autres bonnes choses (Qui ne sont pas en tous hommes encloses), Pour te servir, quand il te plaira prendre Le cueur qui veult si hault cas entreprendre.

Et quand le bruict courroit de l'entreprinse, Cuyderoys-tu en estre en rien reprinse?

Certes plustost tu en auroys louenge.

Et diroit-l'on : puis que cestuy se renge A ceste dame, elle a beaucoup de grâces, Car long temps a qu'il fuyt en toutes places Le train d'amour; celle qui l'a donc pris, Fault qu'elle soit de grand estime et pris.

Hz diront vray. Que ne faisons-nous doncques De deux cueurs ung. Brief, nous ne fismes oncques OEuvres si bon. Noz constellations, Aussi l'accord de noz conditions Le veult et dit. Ghascun de nous ensemble En mainte chose, en effet, se ressemble : Tous deux aymons gens plein d'honnesteté, Tous deux aymons honneur et netteté, Tous deux aymons à d'aulcun ne mesdire, Tous deux aymons ung meilleur propos dire ; Tous deux aymons à nous trouver en lieux Où ne sont point gens mélancolieux ; Tous deux aymons la musique chanter, Tous deux aymons les livres fréquenter.

Que diray plus? Ce mot là dire j'ose Et le diray, que presque en toute chose

iNous ressemblons, fors que j'ay plus d'esmoy* Et que tu as le cueur plus dur que moy ! Plus dur, hélas ; plaise-toy l'amollir.

Sans ton premier bon propos abolir.

Et en voulant en toymesmes penser Qu'amour se doibt d'amour récompenser.

Las, vueilles-moy nommer doresnavant Non pas amy, mais treshumble servant, Et me permetz, allégeant ma destresse.

Que je te nomme, entre nous, ma maistresse.

S'il ne te plaist, ne laisseray pourtant A bien aymer ; et ma douleur portant , Je deniourray ferme et plein de bon zelle, Et toy par trop ingrate damoyselle.