Sale

Si^ ne croy pas qu'il y ait chose au monde Qui mieulx ressemble ung enfer tresimmunde. Je dy enfer, et enfer puis bien dire.

Si r allez veoir, encore le voirrez pire. Aller, hélas ! ne vous y vueillez mettre , J'ayme trop myeulx le vous descrire en mètre - Que pour le veoir aulcun de vous soit mys En telle peine. Escoutez doncq, amys.

Bien avez leu, sans qu'il s'en falle un A,^ Comme je fuz, par l'instinct* de Luna,^ Mené au lieu plus mal sentant que soulphre, Par cinq ou six ministres de ce gouffre, Dont le plus gros jusques là me transporte.

Si rencontray Cerberus** à la porte, Lequel dressa ses troys testes en hault, A tout le moins une qui troys en vault. Lors de travers me voit ce chien poussif, Puis m'a ouvert ung huys'^ gros et massif, Duquel l'entrée est si estroicte et basse Que pour entrer fallut que me courbasse.

Mais ains que^ fusse entré au gouffre noir, , Je veoy à part ung autre vieil manoir^