I. Le serviteur qui les observera

Las de tant de péchez Qui me sont tous cachez, Purge-moy, trescher Sire!

Aussi de grans forfaictz Témérairement faictz Soit ton serf relasché !

Qu'ilz ne régnent en moy, Si seray hors d'esmoy, Et net de grand péché.

Ma bouche prononcer

Ne mon cueur rien penser jNe puisse, qui ne plaise A toy mon deffendeur, Saulveur et amandeur De ma vie maulvaise!

EXULTATE, JUSTI, IN DOMINO, BECTOS..

A RGUMENT.

C'est un bel hymne, auquel le prophète invite d'entrée à célébrer le Tout- Puissant, puis chante que tout est plein de sa bonté, récite ses merveilles, admoneste les princes de ne se fier en leurs forces, et que Dieu assiste à ceulx qui le révèrent; puis invocque sa bonté.

Resveillez-vous, chascun fidèle, Menez en Dieu joye orendroitJ Louenge est tresséante et belle En la bouche de l'homme droict.

Sur la doulce harpe

Pendue en escharpe

Le Seigneur louez;

De lucz, d'espinettes.

Sainctes chansonnettes

A son nom jouez.

Chantez de luy par mélodie Nouveau vers, nouvelle chanson, Et que bien on la psalmodie A haulte voix et plaisant son.