Plus que nous deux

AU ROY

On dict bien vray : la maulvaise fortune jNe vient jamais, qu'elle n'en apporte une, Ou deux, ou trois avecques elle, sire! Vostre cueur noble en sçauroit bien que dire ; Et moy chétif, qui ne suis roy, ne rien, L'ay esprouvé. Et vous compteray bien, Si vous voulez, comment vient la besongne.

J'avois ung jour un valet de Gascongne, Gourmant, yvroigne et asseuré menteur, Pipeur,! larron , jureur, blasphémateur.

Sentant la hart^ de cent pas à la ronde. Au demeurant le meilleur filz du monde, Prisé, loué, fort estimé des filles Par les bourdeaux, et beau joueur de quilles.

Ce vénérable billot^ fut adverty De quelcque argent que m'aviez départy.

Et que ma bourse avoit grosse apostume; Si se leva plustost que de coustume Et me va prendre en tapinoys icelle , Puis la vous mist tresbien soubz son esselle,

I . Trompeur, en général, plutôt que tricheur. '2. La corde , qui sert à pendre.