CXXX SUCCESSION DU PERE DE CYRANO

ladite heure jusques à six heures sonnées suivant qu'il paroist par les postilles qui sont en marge, a esté l'assignation continuée à lundy prochain, deux heures de rellevée, pour estre proceddé au parachèvement de l'audition dudit compte sans autre assignation.

ScoppART, Desboys, François, de Beaufort.

Et ledit jour de lundy quinziesme jour dudit mois de febvrier audit an mil six cent quarante-neuf, deux heures de rellevée sont derechef comparus suivant ladite continuation d'assignation,

Lesdits S" Scopart et Desboys rendans compte, assistés dudit de Beaufort,, procureur, d'une part.

Ledit M* Pierre François, procureur desdits Savinian et Abel de Cirano, oyans compte, d'aultre part.

Du consentement desdites parties a esté proceddé à la continuation de l'audition et examen dudit compte suivant qu'il paroist par les postilles qui sont en marge d'icellui et ont signé :

Scoppart, Desboys, François, de Beaufort.

Et le mardy deuxiesme jour de mars audit an mil six cent quaranteneuf.

L'assignation verballement prise entre lesdites parties, sont comparus en personnes lesdits S""* Scopart et Desboys rendans compte, assistés dudit de Beaufort, d'une part,

Lesdits Savinian de Cirano, S"" de Bergeraque, et Abel de Cirano, esmancipé d'aage, proceddant soubz l'auctorité dudit Savinian de Cirano, son frère et curateur, assisté dudit François, leur procureur, lesquels après avoir eu communicquation dudit compte et apostilles en marge d'icellui ont dict qu'ils advouent tout ce qui a esté faict par ledit François et requis estre proceddé à la révision dudit compte, d'aultre part.

Du consentement desquelles parties a esté proceddé à la réyision dudit compte et ont signé :

Scoppart, Desboys, de Beaufort, S. de Cyrano de Bergerac,

A. DE Cyrano, François.

Et, après avoir vacqué depuis ladite heure de huit heures jusques à unze heures et que les débats qui estoient formés sur aucuns des articles dudit compte ont esté vuidez et reiglez, les parties ont accordé ledit compte estre par nous calcuUé et clos en leur absence. Signé :

ScoppAUT, S. DE Cyrano de Bergerac, Desboys, A. de Cyrano,

François, de Beaufort.