POVR MADAME LA PRINCESSE DE CONTY

1E la tenois tousiours pour Tastre de la Cour, Bien plus digne des Dieux que les Roys ne sont d'elle ; Mais ie ne croyois point , ny qu'elle fust si belle , Ny qu'en voyant ses yeux on reçeut tant d'amour.

 toute heure, en mon cœur, i'adoreray le iour Où ie veis ces soleils en leur flamme nouuelle, Et gardant de leurs feux la mémoire étemelle , Mon Paradis sera dans cet heureux seiour.

le ne veis qu'vn moment l'esclat de ce visage ^ Mais cela fust assez sans en veoir d'auantage ; Car, sans se démasquer elle m'a faict sçauoir,

Estant comme elle estoit debeautez si pourueue. Que l'on connoist les Dieux aysement sans les voir : Et, pour la voir si peu, ie ne l'ay que trop veue.

SONNET Iir.

TANDIS que loing de toy la Fortune m'engage Et que ie donne aux grands vn esprit qui t'est deu, le pleure bien souuent le temps que i'ay perdu, Sans te prouuer combien ie prisois mon seruage ,

Lorsque tant de respects, agitant mon courage Sur le poinct d'vn plaisir si chèrement vendu , Semoient parmy le bien que i'avois attendu Mille fascheux ennuis empeschant mon langage.

A ceste heure ie parle eslongné de tes yeux , Comme nos deux esprits parleront dans les Gieux ; Et si le feu sacré dont ton ame est esprise

Te peut montrer celuy dont ie suis consumé , le n'ay pas de regret à perdre ma franchise ; Car iamais prisonnier ne fust si bien aymé.