LORS ÂGÉ DE 14 A 15 ANS

SATYRiE PAR LE S' DE LA FRESNAIE VAVQVELIN,

SON PBRB (4).

Tr portes , mpn cher fils , le nom assez fameux De ton grand bisayeul ; c'est pourquoy, si tu veux Ensuyure ses vertus, tu as vn exemplaire, Sans le cercher plus loin, pour Rapprendre à bien faire. Si nous sommes soigneux des tableaux , des pourtraicts Que les peintres nous ont de nos grands pères faicts , A plus forte raison le deuons nous pas estre De leur belles vertus, que Ton deust voir renaistre , Peintes au vif tableau de nos comportemens ?

Dauantage tu as cent mille enseignemens Q'appris tu as de moi , soit ou de Phocilide , D'Isocrate, Hésiode ou Tbeognis, qui de guide

(4) Les diverses poésies du sisur de la Fresnaje Vauquelin. (CaeD, Ch. Macé, 4605, in-8».)

Tousiours te seruiront, si tu remarques bien Que le sçauoir qui n'est pratiqué ne vaut rien.

Tu es ieune, estudie en ta belle ieunesse, Et tandis que tu Tas , employé en allégresse Le temps et la saison ; car, mon fils, des mesbuy, Pour le tien tu n'auras iamais le temps d'autruy. Ce n'est pas qu'il te faille alambiquer ton ame , Pour, brillant nuict et iour, la distiller en flamme : Car il est plus de temps que d*œuure; toutefois , Vne saison se change en l'autre tous les mois; Et, des rage premier, on prend vne habitude D'aymer ou de haïr les Muses et Testude.

De nature tu n*es robuste ni puissant , Pour des armes porter le faix rude et pesant; Ains tu as vn esprit qui , tenant de Mercure Et du chantre Apollon , des lettres aura cure. Peut-estre ton puisné , plus fort et vigoureux , Suiura de nos ayeux ce mestîer rigouneux.

L'estude ne t'est plus vne dure contrainte , Ce t'est vne coutume, ainsy que t'est la crainte De Dieu , vers qui tousiours tu dois auoir recours : Car vain sera d'ailleurs en tout temps le seeours.

Mais par sus tout, mon fils, ie te prie estudie D'apprendre la sagesse et de former ta vie A l'exemple des bons, et n'appren le sçauoir Pour richesse ou profit quelque iour en auoir. Tu seras assez riche ayant en ta ieunesse Appris par les vertus a gagner la sagesse,* A n'estre point meschant , a n'auoir dans le cœur Vn bourreau qui , cruel , te traite à la rigueur : Car tousiours la nature à mal faire est forcée , Et qui fault connoit bien la faulte en sa pensée.

Si tost que le malin a commis vn forfaict , U se fasche aussitost au cœur de Tauoir faict. La première vengeance et la plus admirable, Cest que de son péché n'est iamais le coulpable Absous dedans son ame : estant iuge de soy»

Tousiours îl se condamne en misérable esmoy.

Bien qu'il ait obtenu , par faueur amiable »

Vne absolution d'vn parlement ployable.

Fautif ne te pren pas , mon fils , à l'Etemel , Comme s'il t'auoit fait pour estre criminel.

Bref, il te faut garder de sotte véhémence»

Accuser du haut Dieu la haute providence; (Car rien n'est faict sans cause) ains prendre en bone part Et les biens et les maux,, ainsy qu'il les départ : Vouloir tout ce qu'il veut : aussy iamais ne dire Que le mauuais est riche ayant ce qu'il désire. Et que le vertueux est poure et souffreteux; Le sage n'est iamais de rien nécessiteux.

En quoy penserois-tu que le peruers abonde Plus que celuy qui bon sur la vertu se fonde? En meubles, en argent, en grand's possessions? Aussy penses-tu pointa mile passions, Dont iour et nuict son ame en songes agitée, En transe dorueillante (i).est tousiours tempestee? 11 n'en faut faire estât , mais plustost regarder S'il sçait, auec ses biens, mieux que toy commander A ses affections, et s'il a plus de honte Et plus de foy que toy ; s'il faict autant de conte

(1) Je croia que ce mot est do l'invention de Tauleur, qui a voulu signifier un sommeil agité. Casimir Delavigne a dit plus élégamment daus sa Messénienne à Napoléon : Tourmenté d'un sommeil sans repos. C'est absolument la même pensée.

De l'honneur que tu fais *, alors tu trouueras Que, beaucoup plus qu'il n'est, abondant tu seras, Possédant la vertu. Cil plus riche demeure Qui des richesses a la plus belle et meilleure.

Ne sois donc point oiseux , et ferme te resous A suiure , en long habit , la vertu comme nous. Tu en auras plus d'heur qu'à suiure la manière Du gentil-homme ayant vne gentil-hommiere , Vne grand'salle antique , où pend es soliueaux Vne corne de cerf pour pendre les chapeaux Et les trompes de chasse ^ où l'on voit vn mesnage De gents, de chiens, d'oyseaux, ainsy qu'au premier âge. (Nous en auons de mesme; en nos lieux tu pourras Prendre vn pareil plaisir alors que tu voudras). Puis vn valet de chiens , vn maquignon , en somme , Au monde faict autant que faict vn gentil-homme, Qui ne faict que chasser et picquer ses cheuaux.

Or, ieune, embrasse donc, par courageux trauaux, L'estude et la science; après, auecque ioye, Tu iouiras content d'vne si belle proye.

Aux honneurs paruenu , craignant Dieu , puisses-tu , Le reste de tes ans, t'esiouir en vertu.

Comme Mimnerme (1) a dit : « Si notre vie humaine De labeurs, de tourmens^ d'ennuys est toute pleine, Sans le plaisir des arts et d' vn loyal amour, » le souhaite qu'alors il ne se passe vn iour Qu'en ieux et qu'en plaisirs, qu'en vers, entre les MuseSj La pluspart de tes ans ioyeusement tu nVses^

(1) Mimnerme, poëte gref^, dont il ne nous est parvenu que quelques fragments.

Ayant yn naturel tellement adoucy, Que y soucieux estant, tu semblés sans soucy, Et gracieux , faisant , d'vne adresse prudente , Qu'en public et priué de toy l'on se contente.

BASIONS ROMPVS