I . C’est à dire sans admiration, sans s’émerveiller
DE M. Bertavt. 189
Des douleurs dont vn cœur peut estre tourmenté,
Que l’oubly n’en seroit marqué d’impieté.
Cependant, genereuse et Royalle Princesse,
Reçoy pour vrays tesmoins du dueil qui nous oppresse Te voyant enfermee en la nuict du cercueil.
Ces pleurs coulans du cœur par les sources de l’œil.
Et ces dolents souspirs que nostre ame affligée Paye au iuste deuoir dont elle est obligée.
Non moins à la vertu qui fleurissoit en toy,
Qu’au tiltre glorieux <ie Sœur d’vn si grand Roy Qu’est celuy que le sang et l’heur de la naissance T’ont octroyé pour frere, et pour pere à la France.
Si le bandeau mortel qui te couure les yeux Te laissoit remarquer ce qu’on fait sous les cieux.
Tu verrois ce Monarque affligé de ta perte.
Ayant tousiours la bouche aux complaintes ouuerte,
Et son auguste Espouse, et les Grands auec luy,
En vestemens de dueil se voiler tous d’ennuy :
Non par deuoir sans plus ou comme par coustume.
Mais le cœur destrempé d’vne vraye amertume.
Et telle que la gouste en ses plus tristes soings
Vn qui se plaint soy-mesme, et pleure sans témoings.
Tu verrois d’autre part ce bon Duc ton beau pere Que la Lorraine adore, et la France reuere.
Déplorant iour et nuict ta mort et son malheur.
Se monstrer non beau pere, ains pere en sa douleur.
Mais tu verrois sur tous celuy dont Hymenee Tenoit en tes liens la vie emprisonnée,
Percé dedans le cœur du trait le plus poignant Qui face point saigner vne ame en l’attaignant, Descouurir par les pleurs qui baignent sa complainte Combien sent de torments vne amour chaste et sainte, Quand de la pâlie mort les lamentables coups Viennent trencher ses nœuds lors qu’ils semblent plus doux Tu verrois son ardeur estre encor toute flame.
Et faire prononcer des discours à son ame Qui forceroient la Parque à te rendre le iour.
Si la mort entendoit- le langage d’amour.
190 Œvvres poétiqves
Et lors le piteux son de ses plaintes ameres
Qui mesle à ses regrets ceux des Princes ses freres,
T’ayant fait souspirer sa constante amitié,
Tu verrois quant et quant auec quelque pitié Plaindre autour de ton corps tes dames desolees,
De longs habits de dueil funebrement voilees :
Et contre le cercueil où reposent tes os Faire vn triste concert de cris et de sanglots.
Finalement tes yeux destournants leurs prunelles Sur nous tes seruiteurs plus constamment fidelles,
Tu nous verrois payer en pleurs ensanglantez Ce que nous confessons deuoir à tes bontez,
Et monstrer par l’ennuy qui nos cœurs tyrannise, Combien sont esloignez de fard et de faintise Les seruices qu’on rend sans espoir d’aucun bien.
Et lors que de les rendre il ne sert plus de rien.
Mais le voile eternel de la nuit qui t’enserre Endormant tout le soing des choses de la terre,
En interdit la veuë aux yeux qu’il a bandez.
Et nous ne pleurons point pour estre regardez :
Ains pour en satisfaire à la iuste contrainte De l’extrême douleur dont nostre ame est attainte, Voyant rauy du monde au milieu de son cours Vn vif astre d’honneur éclairant à nos iours,
Et conuertye en cendre vne parfaicte image De franchise, de foy, de douceur, de courage :
Que la mesme bonté sembloit presque animer :
Que voir c’estoit cognoistre, et cognoissant aymer : Et que le ciel rendit en vertu sans seconde.
Faisant de deux phénix vn doux prodige au monde.
C’est pourquoy gémissants nous plaignons à-par-nous Non nostre seule perte, ains la perte de tous :
Et plaignons d’autant plus ce mal-heureux naufrage. Qu’en vn si lamentable et sensible dommage.
Tous ayans part au mal, et nous le pleurants seuls. Nous pleurons maintenant et pour nous et pour eux.
Aduienne quelque iour que nos pleurs nous acquittent De ce que tes bontez et ta grâce en méritent :
DE M. Bertavt.
Aduienne que le ciel nous empesche de voir. Ces gémissants regrets, ces larmes de deuoir, Enfants d’vne douleur mortellement amere, N’estre pas estimez dignes fils de leur mere :
Et que la France mesme à qui ta dure mort Conforme l’Austrasie en dueil et déconfort. Quelque voile d’ennuy dont elle soit couuerte. Ne trouue point sa plainte inégalé à sa perte. Car chacun la cognoist et la va gémissant.
Mais nul ne la gémit comme la cognoissant. Fors celuy qui pressé d’vn ennuy perdurable Croit la déplorer moins qu’elle n’est déplorable.
