AU NOM DES MESMES HABITANS LUY ENVOYANT VN PRESENT DE FRUITS

Tout ce que la fureur de la guerre cruelle

Nous a laissé de biens non touchez du volleur. Prince plein de bonté, nous le deuons à l’heur D’estre comme à couuert sous l’ombre de vostre aisle.

Sans vous nous sentirions la playe universelle Remplir nos tristes champs de plainte et de douleur : A toute heure vn effroy pallir nostre couleur.

Et nostre bien seruir de rapine eternelle.

DE M. BERTAVT.

Aussi voulans monstrer que tout nous vous deuons, Nous offrons pour ce tout, ce rien que nous pouuons, Payans d’une humble offrande vne debte infime :

Vous qui sçauez qu’ainsi l’on sert les immortels, Pensez que c’est encor au pied de leurs autels Présenter vne biche au lieu d’Iphigenie.

A MADAME SŒUR VNiqUE DU ROY.

Vertueuse Princesse, ornement de nostre âge,

Qui d’vn cœur généreux aux vices indonté Surpassant tout le monde en accorte bonté,

Vous surpassez vous-mesme en grandeur de courage :

Il n’aduiendra iamais que le temps me dégage Des laqs où vos bien-faits me tiennent arresté,

Ayans par leurs faueurs estreint ma liberté D vn nœud qui tous les iours se serre dauantage.

Le Sort vueille en mon nom ceste debte acquitter, Vous comblant de tout l’heur qui se peut souhaitter. Sans souffrir qu’aucun mal la duree en abrégé.

Voila son seul payment dont Dieu soit le garant. Afin qu’à tout le moins deuers luy recourant.

Pour vn mauuais payeur vous ayez vn bon plege.

SONET

FAIT PROMPTEMENT PAR MADAME SŒUR DU ROY SUR VN MAL d'yeux.

Cet œil par trop hardy, cet œil audacieux Qui a osé me voir, auoit-il esperance D’estre exempt de douleur? n’auoit-il cognoîssance Que le Soleil est beau, mais qu’il blesse les yeux?

Œvvres poétiq ves

Auoit-il oublié ce que peuuent les dieux Sur l’orgueil des mortels? si de ceste oubliance Aueuglé il en fait ores la penitence,

Qu’a-il moins mérité qu’estre puny par eux?

Puis donc que vostre mal vient d’estre temeraire, ^ Il le vous faut souffrir, et patient le taire,

Sans de cris et de pleurs importuner les Cieux.

Ils le veulent ainsi : et moy la fille aisnee De ce grand lupiter, chef de la destinee, le puny par mon œil les vostres curieux.