SUR VN PORTRAICT FAIT PAR L’AUTHEUR

lEN que les traits diuins de ceste portraiture Soient vn nouueau miracle en douceur et beauté, Si ne leur a pourtant la faueur rien presté,

Ains l’art se monstre encor vaincu par la nature.

le ne voy que cet œil, cet œil par qui i’endure. Que librement i’aduoüe auoir vn peu flatté :

Car il est en effect tout plein de cruauté.

Et voilà qu’il n’est rien de si doux en peinture.

O bel œil qui n’eus onc en rigueur ton esgal. Voyant que ie te rends le bien contre le mal, Pourquoy m’es-tu tousiours si fierement contraire?

De rendre bien pour mal, c’est l’œuure d’vn Chrestien ; La loy le veut ainsi ; mais, o doux aduersaire.

Quelle loy te permet de rendre mal pour bien?

SONET