Fuir fait ici deux syllabes

2. Alfierj nom commun, porte-enseigne. Voir Lexique. — Cf. Lacurne, op. cit.

Rien ne tenoit mes pas loin des siens écartez, le luy guidois la main ; i’estois a ses costez ;

Ains i’estois en luy mesme, et faisois voir sans cesse Que son esprit m’auoit pour eternelle hostesse.

Mais puis que maintenant la paix Ta desarmé,

Tenant Mars désormais en son temple enfermé, le cedois au désir de ma tranchante epee Qui ne peut longuement rester non occupée :

Et tandy que son cœur de repos amoureux Me rend comme inutile à son bras valeureux, le m’en allois ailleurs chercher quelque autre terre Qui seruist de theatre aux fureurs de la guerre.

Pour me voir derechef és combats moissonner Les palmes dont son bras m’y faisoit couronner.

Car d’animer tousiours du feu de ma vaillance Le courage insensé des ieunes de la France,

Mon cœur n’y consent plus, les voyant si souuent. Pour des suiets légers nais et nourris de vent, Auancer de leurs iours les bornes naturelles.

Et s’immoler sans cesse à de folles querelles.

Où presque le vainqueur rougit d’en triompher.

Et pour qui mettre au poing la vaillance du fer.

Outre que la victoire en est digne de larmes.

C’est prophaner l’espee et la gloire des armes.

Non que ie trouue estrange en des cœurs si boüillants Que pour le point d’honneur, l’Idole des vaillants,

Vn caualier sensible aux pointes des outrages Auanture sa vie à d’euidents naufrages.

Puis qu’estant sans honneur, on est sans sentiment. Si l’on ne iuge point la vie estre vn tourment :

Mais ievoudrois qu’on sçeust, non par l’apprentissage D’vn cœur vaillant sans plus, mais d’vn vaillant et sage En quoy peut consister ce riche point d’honneur Pour qui perdre la vie est au monde vn bon-heur.

Car vne telle yuresse emplit les fantasies De ceux dont ceste erreur tient les âmes saisies,

Que tel estimera son honneur offencé Dendurer quelque mot en ioüant prononcé,

DE M. Bertavt.

Qui n’estimera pas luy pouuoir faire iniure Le soüillant vilement par vn lasche parjure;

Ou sans aucvn respect de deuoir ny de foy Trahissant meschamment sa patrie ou son Roy,

Ou rendant vne place auant que l’on l’assaille,

Ou fuyant des premiers au iour d’vne bataille.

Ainsi l’esprit attaint d’vne bigotte erreur.

Croit commettre vn péché presque digne d’horreur, Quand par oubly des loix qu’aprescriptes l’exemple Non laué d’eau sacree il entre dans vn temple :

Et l’insensé qu’il est, nul regret ne le mord D’auoir précipité l’innocent à la mort Par vn faux tesmoignage, ou par la violence Que fait aux sainctes loix vne miuste sentence :

Ains rit de voir gémir és laqs qu’il a broüillez La vefue et l’orphelin de tous biens despoüillez.

Ces valeureux Romains, vainqueurs de tout le monde. Ne fondoient point l’honneur où cet âge le fonde,

Ny n’en estimoient point la gloire consister A faire auec l’espee vn mot interpréter,

Pointiller sur vn rien et s’acquitter l’estime

Que cherchent les dueils en leur sanglante escrime.

De préceptes plus saincts dés leur enfance imbus,

Ils ignoroient l’vsage, aussi bien que l’abus,

D’vn appel, d’vn second, d’vn cartel homicide Sinon lors que les loix leur en laschoient la bride. Pour la gloire publique, encontre la valeur D’vn publique ennemy se prenant à la leur.

Mais quand d’vne vertu de louange affamee Il falloit des premiers enfoncer vne armee.

Ou de grands coups de traits percez de part en part. Vainqueurs aller mourir sur le haut d’vn rempart, •

Ou s’abismer tous vifs dedans la gueule ouuerte D’vn gouffre qu’ils deuoient refermer par leur perte,

Ils le sçavoient bien faire, et sans peur du trespas.

Nul homme en ce chemin ne deuançoit leurs pas. Tesmoin en est encor la magnanime audace D’vn Curce, d’vn Decie et d’vn vaillant Horace,

454 Œvvres poétiques

Et d’autres qui viuants à iamais signalez Se sont pour leur patrie eux-mesmes immolez :

Et de qui les beaux faits, pour l’honneur qu’ils mentent Desesperent les cœurs autant qu’ils les incitent.

Aussi mourants ainsi, les hymnes et les fleurs Honoroient leurs conuois, non les cris ny les pleurs : Car la fleur de leurs noms n’estoit iamais flestrie.

Et pour le moins leur mort seruoit à leur patrie :

Au lieu que le trespas qui conduit au cercueil Ces jeunes forcenez n’est digne que de dueil :

Leur courage les perd sans profit et sans gloire,

Et ne reste rien d’eux qu’vne triste mémoire Qui fait qu’en condamnant la fureur qui les poind On les honore assez de ne les blasmer point.

Voy que de Caualiers fameux par leur vaillance Ont fait en ces duels auorter l’esperance Que l’on conceuoit d’eux, frustrants indignement Les Rois leurs bien-faicteurs du glorieux pay’ment Qu’on attend d’vn guerrier ayant sa renommee Le iour d’vne bataille au milieu d’vne armee :

Et donnant aux fureurs des boüillons insensez Dont leurs ieunes esprits monstrent d’estre poussez Ce qu’ils deuoient offrir d’vn plus saint sacrifice,

A leur Prince, à la France, à leur terre nourrice.

On composeroit d’eux (si tels qu’ils estoient lors Ils retournoient icy du royaume des morts)

Non vn seul esquadron, mais vne armee entière Qui seule aux escriuains fourniroit de matière.

Et qui pleines d’Hectors, d’Achilles, de Césars, Comme en son element se plairoit aux hazards :

Ains que suiuant les pas de son valeureux Prince Rendroit tout l’Vniuers enclos en sa prouince.

Au lieu qui ^ maintenant ils sont dans le tombeau Regrettans la clarté du celeste flambeau.

Ou là bas en des lieux éternellement sombres Se battans sans sujet auec des pauures vmbres.

■I. Au lieu qui, pour au lieu que.

DE M. Bertavt. 435

C’est pourquoy, ce malheur renaissant tous lesiours, Ny rien n’ayant pouuoir d’en supprimer le cours,

Et sentant que ma gloire en est presque ternie, Quand mon nom s’attribue à leur fiere manie,

Aïïn de ne plus voir ces aueugles esprits Faire tomber ma gloire en vn iuste mespris.

Et mes grâces par eux se conuertir en vices, l’allois chercher ailleurs de plus saincts exercices, Aymant mieux voir des cœurs si peu maistres de soy Ne me posséder point, que d’abuser de moy.

Icy se teut Andrie, et de ce doux langage L’Ange en luy respondant luy flatta le courage. Certes, Nymphe, ta plainte a beaucoup de raison. Mais excuse les feux de la jeune saison.

Il est plus mal aisé que peut-estre il ne semble, D’estre ieune, et François, et sage tout ensemble.

Ce mal vient d’vne erreur grauee en leur penser, Qu’vn esprit courageux qui se sent offenser.

Ne doit (s’il tient sa vie aux armes occupée) Rechercher sa raison en rien qu’en son espee ;

Et qu’vn signe, vn clin d’œil, vn vmbre seulement Suffit pour offencer vn noble sentiment.

Pernicieuse erreur, et qui rend inutiles

Tous les throsnes des loix guerrières et ciuiles :

Car le glaiue public trenche ou menace en vain.

Si du glaiue priué chacun s’arme la main :

Et vaine est la iustice aux magistrats suprêmes.

Si les suiets ont droit de se la faire eux-mesmes.

Aussi ne croy-ie pas qu’vn si sanglant malheur Accompagne tousiours leur fameuse valeur :

Le frein des sages loix qu’auec tant de prudence Leur Prince arme aujourd’huy contre ceste licence. Bridera leur audace, et monstrant vn sentier Par où, ce cher honneur restant en son entier,

Vn caualier pourueu d’adresse et de courage Leur aille demander raison de quelque outrage,

Collera leur espee au fond de son estuy;

Sinon quand en l’ardeur de combattre pour luy

456 Œvvres poétiqves

Contre les ennemis qui le sort luy suscite,

Se plonger dans le sang fera gloire et mérité.

Cependant disposée à l’attente de mieux,

Exécuté l’arrest du Monarque des cieux ;

Et demeurant en France où ta gloire est si grande, Fay qu’vn iour son pouuoir à la terre commande,

Ne fust-ce qu’en faueur de ce nouueau Soleil Sur qui tout l’vnivers commence à jetter l’œil.

Les vns pleins d’esperance et les autres de crainte.

Ce bien-heureux Dauphin où tu parois emprainte.

Et qui semble loger, dés ses ans imparfaits.

En ses yeux ton image, en son bras tes effets.

Certes on n’auroit sceu, respond Andrie à l’heure. Par vn charme plus fort m’astreindre à la demeure : (Aussi bien y viuant ce grand Roy mon soucy.

Cet autre Roy, son pere, y croy-ie viure aussi)

Car ie veux, comme en l’vn ie suis vne merueille, Estre en l’autre vn miracle, et luire sans pareille En tout ce qu’osera le bras de sa vertu Pour le sceptre ancien que ses Ayeux ont eu :

Soit qu’il fasse tourner le front de ses armees Vers ces crestes de mont que la flamme a nommées, Soit qu’il jette les yeux sur ces fertiles champs Qui regardent Boote ^ et les soleils couchants :

Dont les Princes sont dits dans les antiques contes, Comtes entre les Roys, et Roys entre les comtes.

Sur ces mots prononcez du mesme ton de voix Qu’vn oracle animé respondoit autrefois.

Tous deux prindrent leur vol par la plaine celeste. Vers la place arrestee, où s’assembloit le reste Des Royales Vertus à qui fut ordonné D’imposer le grand nom par le ciel destiné.

Là se trouuoit desia la Royale Eumenie-,

Et celle qu’on croyoit du monde estre bannie,

1 . Boote, pour Bootes, le Bouvier, constellation voisine de la Grande Ourse.