DE DAMON ET DE PANOPEE
Damon.
Dequoy vous sert tant de fierté.
Belle et cruelle Panopee ?
Panopee.
De conseruer ma liberté.
Et m’empescher d’estre trompée.
Damon.
Quoy ! craindriez-vous de voir changer L’amour dont mon cœur vous reuere ?
Panopee.
Ne m’en mettant point au danger,
La peur ne m’en trauaille guere.
Damon.
Vous feriez grand tort à ma foy D’estimer mon ame infidelle.
Panopee.
le m’en ferois bien plus à moy De vous aymer la croyant telle.
Damon.
Mais deux ans ont peu faire voir Qu’elle n’est fainte ny legere.
Panopee.
Mais vn moment a le pouuoir De me tesmoigner le contraire.
Damon.
Il n’en faut point auoir de peur, l’ayme trop le nœud qui mœngage.
Œvvres poétiq^ves Panopee.
Il ne fut iamais de trompeur ' Qui ne tint le mesme langage.
Damon.
L’amour si long temps éprouué Deust chasser de vous ceste crainte.
Panopee.
Le mal aux autres arriué L’y deust tousiours tenir emprainte.
Damon.
Donc ne doy-ie rien esperer Fors tousiours pleurer triste et blesme ? Panopee.
l’ayme mieux vous faire pleurer,
Que me faire pleurer moy-mesme.
Damon.
Pourquoy vous déplaist mon bon-heur, Dont vous seruir font les delices.f* Panopee.
Pource qu’aux despens de l’honneur Vous faites payer vos seruices.
Damon.
L’amant seroit maistre en semant,
S’il vsurpoit ceste puissance.
Panopee.
L’amant ne sert qu’en poursuiuant :
Il est maistre en la jouissance.
Damon.
C’est mal son amour employer,
Que de n’en tirer nul salaire.
Panopee.
Aymer pour l’espoir du loyer C’est vne amitié mercenaire.
Damon.
Las au moins voyez mon tourment.
Puis que c’est de vous qu’il procédé.
Panopee.
l’en verrois le mal vainement.
N’y pouuant donner nul remede.
DE M. Bertavt.
Damon.
Mais vous en auez le pouuoir,
Si ma peine en est susceptible.
Panopee.
Ce que me defend mon deuoir, le me le repute impossible.
Damon.
Ah fiere et Cruelle beauté Qu’inhumaine est vostre rudesse !
Panopee.
Ce que vous nommez cruauté, D’autres l’appelleront sagesse.
Damon. ^
Est-on sage pour maltraiter L’amour d’vn fidelle courage ?
Panopee.
Est-on cruel pour euiter Le péril de faire vn naufrage ?
Damon.
Mais appréhender ce malheur, C’est à faire à moins belles dames.
Panopee.
Mais n’en fuir point la douleur.
C’est à faire à de folles âmes.
Damon.
Vostre beauté vous guarantit Du sort d’Ariadne abusee.
Panopee.
Vostre ieunesse m’auertit De l’inconstance de Thesee.
Damon.
Trop aimable est vostre prison :
Il ne peut estre qu’on la quite.
Panopee.
le puis bien perdre sans raison, Ainsi que i’acquiers sans mérité.
Damon.
C’est faire vn mauuais iugement De vostre œil et de sa puissance.
Œvvres poétiqves Panopee.
Mais bien c’est iuger sagement De vostre fatale inconstance.
Damon.
Vostre œil me peut rendre vn escuei!
Encontre les vagues du change.
Panopee.
le croiray plustost de mon œil,
Mon miroir que vostre loüange.
Damon.
Las ! ie perds en vain mes accents, Pleurs, et responses, et demandes :
Panopee.
Quand vous perdriez encor le sens.
Vos pertes ne seroyent pas grandes.
