I. Louis XIII, né en i6oi

DE M. BERTAVT.

Imitant ce Grand Roy ta gloire et nostre appuy : Car sa rare valeur n’ayant point de pareille,

Tu serois bien toy-mesme vne estrange merueille,

De n’estre point vaillant, et d’estre yssu de luy.

Mais, ô nouueau César, que ce soit l’Arabie,

Ou la Thrace guerriere, ou Tardante Libye,

Qui fournisse à ton chef des lauriers tousiours verds. Quand l’audace Ottomanne ayant esté frapee De la foudre des coups tombants de ton espee Le bruit en tonnera parmy tout l’vniuers.

Que désormais sous toy sommeillent nos Prouinces, Que nous ne voyons plus nos peuples et nos Princes Se meurtrir sans pitié de parricides coups.

Assez long temps la France a ploré ses trophées :

Y soient à l’aduenir les guerres étoufees.

Nous manquant le sujet de triompher de nous.

Et cet heur aduiendra : tout desja nous l’augure : Tout fait que Tesperance en nostre ame figure L’estât délicieux d’vn durable repos :

Et semble que desja tournant l’œil sur les armes Où ton genereux Pere a tant passé d’allarmes.

Du sein de ton berceau tu leur tiens ces propos :

Armes, que le Grand Roy qui vous rend glorieuses Ne deuestit iamais sinon victorieuses,

La Paix pour quelques ans vous a fait dépouiller : Mais moy ie vous tiendray si long temps deuestuës. Qu’au lieu que les malheurs qui vous ont combattuës, Vous ont fait resplendir, ie vous feray roüiller.

le vous feray roüiller à l’ombre de l’oliue, lusqu’à tant que mon âge à son printemps arriue.

Et que i’en voye vn iour mes membres reuestus : Succédant à sa gloire auec tant de mérité.

Que nulle viue voix, que nulle histoire escritc Ne me puisse iamais reprocher ses vertus.

Ainsi sembles-tu dire en ton muet langage :

Et tout ce grand Royaume, à qui tu sers de gage

<)2 Œvvres POÉTIQ^VES

Du repos que le ciel luy promet désormais,

Secondant de ses vœux la fin de tes paroles,

Monstre en des cris de joye atteignans iusqu’aux pôles. Que tout ce qu’il desire est ce que tu promets.

Aussi manquois-tu seul aux souhaits de la France, Et sans le doux espoir qui naist de ta naissance.

Bien eust peu croire encor la publique douleur.

Tant d’illustres effects de bon-heur manifeste Ne nous estre donnez de la bonté celeste,

Que pour seruir de proye à quelque autre malheur.

Mais ainsi que le Dieu qui les ans renouuelle.

En naissant attacha d’vne chaine eternelle Déle 1 ondoyante encor sur le flot azuré :

Ainsi, Royal enfant ta naissance a la gloire D’affermir et fonder, mieux qu’aucune victoire,

Le repos de la France encor mal-asseuré.

C’est pourquoy, si Je peuple aux astres en enuoye Tant de cris d’allegresse entre ses feux de joye,

Et du bruit des canons fait tout l’air retentir :

Certes, puis que ce bien rend sa crainte amortie,

Sa joye est iuste et saincte : et s’il ne l’eust sentie,

Il n’eust'pas mérité de iafnais en sentir.

Mais si ceste allégresse en quelqu’vn est extrême, Bien doit-elle, ô Grand Roy, te rauir à toy-mesme, Et faire refleurir les plaisirs de ton cœur;

Puis qu’entre les succez dont ton régné prospéré,

Il ne te restoit plus que d’estre un heureux pere. Apres t’estre fait voir vn si clement vainqueur.

Qui d’entre les mortels dignement pourra dire Quel heur à ta grandeur, et quel à ton Empire Ce Royal enfançon apporte quand et soy.î^

Il fait qu’en doux repos ton estât se maintienne :

I . Dele pour Délos. — Suivant la fable, Neptune fit d’un coup de trident sortir Délos du fond de la mer, et Jupiter la fixa par des chaînes de diamant ; Bertaut semble dire que ce fut Apollon lui-même.

DE M. Bertavt.

Dés qu’il reçoit la vie il asseure la tienne,

Et te rend en naissant le bien qu’il a de toy.

De nombrer les lauriers que le ciel luy destine, C’est chose qu’ Apollon reserue à sa Cortine^ :

Mais bien peut-on préuoir des yeux du iugement. Combien, en pratiquant tes vaillants exercices A vingt ans te rendra de glorieux seruices Celuy qui t’en fait tant en naissant seulement.

Puisse-il faire qu’vn iour l’Europe assujettie Soit de ton iuste empire vne seule partie.

Où sa gloire fleurisse ainsi comme d’vn Dieu :

Tant qu’en fin se monstrant en égale balance,

Aymé pour sa iustice et craint pour sa vaillance, Desja chenu par l’âge il succédé à ton lieu.

Cependant qu’il apprenne à te suiure à la trace.

Et qu’entre tes vertus de bonne heure il embrasse Ta valeur, ta bonté, ta clemence et ta foy :

Non pour t’y surmonter, car qui le pourroit faire? Mais pour auoir l’honneur (sinon autre salaire)

De n’estre en ces vertus égalé que par toy.

Qu’il ayme les beaux arts dont les Muses s’honorent Et sçache que les ans toutes choses deuorent Fors les sacrez labeurs d’vn illustre écriuain :

Que l’espee est sans nom qui ne doit rien au liure ; Et que pour acquérir l’honneur de tousiours viure.

Si l’vn ne parle point, l’autre combat en vain.

Qu’il ayme ses sujets ; qu’il en soit le refuge :

Qu’il s’en rende aduocat lorsqu’il en sera iuge :

Qu’il soulage leur dos le voyant opprimé :

Qu’il s’en estime pere, et qu’en soy-mesme il pense Qu’vn père est malheureux qui par son inclémence N^yme point ses enfants, ny n’en est point aymé.

Qu’en escoutant les cris des âmes les plus viles, Beny, chery de tous il se rende inutiles

I . Trépied d’airain consacré à Apollon et qui était gardé chez les quindécemvirs.

54 Œvvres poétiqves

Les gardes dont ses flancs seront ceints nuit et iour : Lisant és accidents dont la vie est fécondé Que des moindres sujets aux plus grands Roys du monde Redoutable est la crainte où ne vit point Tamour.

Qu’il ayme, qu’il adore et craigne tout-ensemble Celuy sous qui la terre et le ciel mesme tremble,

Et sans qui nul estât ne sçauroit se fonder;

Qu’il sçache que c’est luy qui maintient les Monarques,

Et qui montre aux plus grands en mille insignes marques Qu’vn Roy qui le sert mal ne peut bien commander.

Bref, que pour estre en fin comparable aux celestes.

Il croye à tes conseils, et se mire en tes gestes.

Sans monstrer ses beaux faits d’aucun vice enlaidis :

Qu’il te reuere et serue, et qu’il serue et reuere Celle qu’il vient de rendre autant heureuse mere.

Que bien-heureuse femme un iour tu la rendis.

Car, certes, bien doit-elle heureuse estre nommee.

Et de toy, de ta France, et de ton peuple aymée.

Elle qui rend ainsi ton Estât bien-heureux :

Et qui te donne plus en ce qu’elle nous donne.

Que si t’enrichissant d’vne neuue couronne.

Elle triploit ton sceptre en ton poing valeureux.

Puisse-elle auecques toy sans cesse bien-heureuse Repaistre en doux repos son ame genereuse Du nectar des plaisirs dont contant tu te pais :

Digne d’estre appelée vne lunon en terre,

N’estoit que de lunon vint le dieu de la guerre.

Et qu’elle nous enfante vne eternelle paix.

Puisse-elle auecques toy long temps régir le monde, Eusse-tu pour ta part de la machine ronde Ce que les premiers ans diuiserent en trois ;

Puis qu’estant le miroir des plus parfaites âmes.

Sa prudente beauté luy donne entre les dames Le nom que ta valeur t’acquiert entre les Roys.

Et toy repose en paix dessus vn lict de palmes,

Roy de qui les labeurs rendans nos troubles calmes

DE M. Bertavt.

Font maintenant sous toy reposer tant d’esprits :

Et que ce doux sommeil dont apres la victoire Alexandre dormoit au giron de la gloire,

Soit de tes longs trauaux et le charme et le prix.

Que dy-ie, en soit le prix ? ie faux, vaillant Monarque, Vn renom fleurissant et vainqueur de la Parque T’en doit recompenser sous la voûte des cieux :

Ou si quelque repos des tormentes humaines Peut estre le loyer de tes fameuses peines Ce doit estre celuy qu’on prend entre les Dieux.

Bien tost puisses-tu voir de ta chaire Royale,

Ton bien-heureux Dauphin ioüer emmy ta sale.

Et sur ses petits pas luy-mesme s’y guider :

De ses petites mains tastonner ton espee :

Dresser d’vn petit fort la muraille escarpee.

Et dés le berceau mesme apprendre à commander.

Et puis, ayant franchy les bornes de l’enfance. Aller rendre l’Asie vne nouuelle France,

Et soubmettre à ton joug ses Sultans, et Sophis : T’assujettir le Nil, le Danube et le Gange :

Et par mille beaux faits passans toute loüange. Mériter iustement d’estre appelé ton fils.