Horatius Codés

DE M. BERTAVT

L’ennemy s’estonnant d’vn trait si valeureux, Préuoit bien que ce iour luy sera malheureux :

Se sent de Festomach toute audace rauie :

Ne pense plus à vaincre, ains à sauuer sa vie :

Le Roy poursuit sa pointe, et d’vn cœur indonté Charge auec tous les siens ce camp espouuanté :

Y iette le desordre, en destruit la conduitte :

Met les vaillans à mort, et les lasches en fuitte :

Bref, pour n’estre point plus à conter qu’il vainquit Que son bras fut à vaincre, en peu d’heure il conquit La palme toute entière à l’Anglois arrachée,

Du sang de ses guerriers ou point ou peu tachee.

Mais comme par l’eftort de l’extrême vertu Dont aux yeux de la France il auoit combattu Sa valeur en vainquant fist reluire sa gloire,

Sa bonté se fist voir vsant de la victoire.

Car de deux ennemis contre luy coniurez Qui s’estoient, en fuyant, du combat retirez.

Et qu’ainsi que l’esclat d’vn grand coup de tonnerre Ceste sanglante attaintc abbattit contre terre,

L’vn (Roy du peuple Anglois) à bon droit estonné D’estre, au lieu d’vn laurier, d’vn cyprès couronné. N’eut pas si tost requis qu’en calmant cet orage Vne tresue sauuast les ais de son naufrage,

Ny l’autre demandé la paix et le pardon ',

D’auoir de ceste guerre allumé le brandon ;

Que ce genereux Roy tirant soudain la bride Au courroux qui rendoit sa victoire homicide, N’accordast tous les deux, bien que jeune et vainqueur, Et qu’vn clement oubly n’effaçast de son cœur Le crime du poison que la haine et l’enuie Auoient en leur fureur brassé contre sa vie.

Qui pourroit raconter, qui pourroit taire aussi Les illustres vertus dont son los éclaircy

I . Cet autre est sans doute Hugues de Lusignan, comte de La Marche.

72 Œvvres poétiq ves

Fist par tout l’vniuers resplendir sa lumière,

Apres que les broüillas de la saison première Furent tous dissipez par les rayons luisans Qu’épandit ce bel astre en l’Esté de ses ans,

Lors que voyant la paix florir dedans sa terre.

Aux vices de son régné il dénonça la guerre?

Les glorieux efFects de ses rares Vertus Sans quelque impiété ne sçauroient estre teus,

Bien que sans amoindrir le prix de son mérité Sa vie auec mes vers ne puisse estre descrite.

Sa vie est vne image où les traits des plus saints Des plus sainctes Vertus sont viuement dépaints :

Et comme d’égaler vn si rare exemplaire Le désir est loüable, et l’espoir temeraire.

Autant inimitable en estant la beauté Qu’on en voit le patron digne d’estre imité ;

Aussi vouloir au vif ses merueilles dépeindre.

C’est plus haut aspirer qu’on ne scauroit atteindre.

Et se mettre au hazard, comme vn mauuais sonneur. D’acquérir de la honte en chantant son honneur.

Ses beaux faits sont écrits és Annales celestes, L’Asie où s’estendit la grandeur de ses gestes, Memphis que sa valeur souloit espouuanter,

Sont encor entendus sa mémoire vanter ^ :

Et là le fameux nom du grand Loys neufiesme N’est plus le nom d’vn homme, ains de la Vertu mesme.

L’honneur, l’intégrité, la constance, et la Foy,

Ne regnerent iamais dedans l’ame d’vn Roy

Plus saint, plus craignant Dieu, plus abhorrant le vice

Qui paroist le seruir, et destruit son seruice :

Plus désireux de voir le seul bien se priser :

La puissance du Christ l’vniuers maistriser :

Et sur l’idolâtrie à iamais estoufee Dresser vn triomphant et glorieux trophée.

I. Sont encore entendus, latinisme; adhuc audiuntur : on 1 es entend encore.

DE M. BER.TAVT.

Bruslant de ce désir il planta par deux fois Sur les bords Africains l’estendart de la Croix :

Donna sa vie en proye aux hazards de la guerre : Tenta mille dangers et par mer et par terre :

Alla chercher la mort, et trouuer la prison En des terres sans foy, sans pitié, sans raison,

Où ce luy fut regner et gaigner la victoire.

Que de seruir à Christ, et mourir pour sa gloire.

Mais chanter les combats heureux et malheureux Acheuez outre mer par son bras valeureux :

Le sac de Damiette, et le sanglant rauage Qu’il fist de Sarrazins sur le double riuage ‘

De la mer et du Nil, jonchant trois fois ses bords De cheuaux infinis et de Barbares morts :

Le grand siégé du Caire, où la victoire accjuise Se conuertit en dueil par l’ennuy de sa prise ;

La saincte Majesté que du thrône des cieux Dieu fist descendre en terre et s’assoir en ses yeux, Quand deux Mahometans qui portoient leurs espees Du sang de leur Soudan encor toutes trempees.

Le voulans massacrer, sentirent de leurs mains Secrettement tomber leurs poignards inhumains,

Et choir sur le paué la menaçante audace De leur fureur meurtrière au regard de sa face :

Son voyage en Libye 2, où ce grand champion Fut encor à Carthage vn second Scipion :

Le laurier qu’il gaigna sur les plaines de Tunes, Vaillamment couronnant sa vie et ses fortunes :

Bref, tenter le récit de tant d’illustres faicts.

Ce seroit vn dessein de q^ui le pesant faix Ir.oit trop surpassant les forces de mon ame :

Et pour dignement tistre vne si grande trame.

Il faudroit que la main d’vn plus diuin esprit Auec vn fil tout d’or cet ouurage entreprit.

1 . Allusion à la première croisade de saint Louis ( 1 248- 1252).