I. L’édition de 1620 \iond\t femme au lieu flamme ^ ce

qui est sûrement une faute d’impression.

DE M. Bertavt.

los

Comme si le trespas estant lors vostre enuie,

Vous eussiez eu querelle à vostre propre vie K

Ah Dieu ! (ce dismes nous troublez d’vn tel discours) Ce Prince en trop osant désolera nos jours :

Sa valeur nous perdra : de ce mesm,e courage D’où vint nostre salut viendra nostre naufrage.

Que pense-il en son cœur? ne se souuient-il point Que le bien de l’Europe à sa vie est conjoint:

Il est Roy, non soldat : chef, non main de l’armee :

Il sieroit mal aux Rois d’auoir l’ame affamee D’vne gloire vulgaire, et du mesme laurier Qui pevt ceindre le front d’vn simple auanturier.

Quel droit ou quelle loy permet à sa vaillance D’exposer aux dangers le salut de la France? Ignore-il que souuent la cruauté du sort Fait qu’en cherchant la gloire on rencontre la mort? Sa chair en l’eau de Styx n’a pas esté trempee Pour estre inuiolable au trenchant de l’espee.

Et de son vif esprit la bouillante vigueur

N’a pas le corps d’Achille aussi bien que le cœur.

Ainsi parlasmes nous pleins d’espoir et de crainte. Accusant et loüant par vne mesme plainte La genereuse erreur qui vous fist trop oser.

Et nostre vnique attente à la mort exposer.

Sans vous ressouuenir combien nos destinées Sont d’vn estroit lien à la vostre enchainees :

Quels gouffres de malheurs nous auroient engloutis. Et quel monstre nouueau de contraires partis Déchirant cet Estât feroit de ses prouinces Vne Lerne de maux sous vne Hydre de Princes,

Si quelque plomb fatal, guidé par le malheur,

Auoit d’vn coup mortel payé vostre valeur.

Et bien que nous douloir de ce braue courage Qui pour nous garantir d’vn indigne seruage,

I. Probablement à Fontaine-Française (15 juin M9$)* Cf. Introd. biogr.

io6 Œvvres poétiq ves

Aux plus mortels périls s’exposeincessamment,

Ce soit ingratitude, ou peu de sentiment :

Si semble-il que l’horreur des maux inéuitables Qui rendroient par sa mort nos siècles lamentables, Excuse nostre plainte, et luy fait pardonner Ce que la raison mesme y pourroit condamner.

Hé, qui n’eust excusé les habitans de Troye,

Si voyans leur Minerue abandonner en proye A l’audace des Grecs son portrait bien-aimé.

Contre sa mal-vueillance ils eussent blasphémé, Sçachans bien que perdant ceste fatale image,

La gloire d’Ilion alloit faire naufrage :

Et la flame Gregeoise ondoyant iusqu’aux deux, Deuorer leurs maisons et les temples des Dieux? Certes nous ne pouuons, en si tristes allarmes.

Nous imposer silence et contraindre nos larmes.

Nous méritons pardon blasphémant contre vous.

De vous abandonner si librement aux coups,

Pource que vostre vie en ces flots agitee Nous est ce qu’vn tison estoit au fils d’AlthæeL Nous méritons pardon implorant tous les iours Au milieu des périls l’heur de vostre secours,

Pource qu’en combattant 'ce monstre parricide, Vostre seule vaillance en doit estre l’Alcide :

Et mérité pardon la publique douleur

Qui d’vne main tremblante armant vostre valeur,

A deux contraires vœux peut nostre ame contraindre. Nous faisant desirer ce qu’elle nous fait craindre.

Car qui vaincroit pour nous ne vous point bazardant ? Et qui nous sauueroit, vous aussi vous perdant.

Puis qu’en vostre vertu consiste, outre la gloire.

Et le mal de la perte, et l’heur de la victoire?

Entre ces vieux Romains qui veirent la rondeur De l’vniuers entier adorer leur grandeur,

I. Althée, mère de Méléagre, jeta un jour au feu, dans un accès de colère, un tison dont dépendait la destinée de Méléagre; elle>devint ainsi la cause de la mort de son fils, et, dans sa douleur, se donna la mort.

DE M. BERTAVT.

Et de qui la vertu surmontant la fortune,

Ne trouua rien d’égal sous le rond de la Lune, Florirent deux guerriers sagement valeureux.

Et d’honneur et de gloire ardamment amoureux,

Dont l’vn qui ne veit onc sa prudence trompée Fut nommé leur bouclier, et l’autre leur espeeL Sire, ces beaux surnoms entre-eux deux départis, Vous sont deuz des François par vous seul garantis : Vous estes l’vn et l’autre à cet illustre Empire :

Vous faites qu’il triomphe ayant fait qu’il respire : Vous estes son espee au milieu des combats,

Quand vous iettez vainqueur ses ennemis à bas :

Vous estes son bouclier, lors que pour sa defense Employant les effects de la seule prudence.

Vous voyez leur fureur arriuee à tel poinct,

Qu’il faut que pour les vaincre on ne combatte point. Tandis que ceste espee aux conquestes apprise. Tandis que ce bouclier, qui genereux mesprise Les atteintes de Mars, nous armera les mains,

La Victoire qui porte és combats inhumains D’vn pennage inconstant ses ailes emplumees, N’estendra point son vol plus loin que nos années ; Nous vaincrons ennemis, et fortune et destin :

Et foulant sous nos pieds le traistre et le mutin,

Nous verrons tous les iours nos camps s’emplir de proyc Et deuant nos Palais flamber des feux de loye.

Heureux si ceste espee, heureux si ce bouclier Auoit la dureté de cet antique acier,

Que iadis quelque Nymphe endurcissoit par charmes, Pour estre impénétrable aux atteintes des armes : Nous n’aurions point le sang dans les veines glacé, Quand des périls mortels le voyant menacé,

Nous sçaurions que sur luy la cruelle insolence Des hazards de la guerre auroit tant de licence - :

I . Le bouclier de Rome est le surnom de Fabius Cunctator, et Vépée de Rome, celui de Claudius Marcellus.

2 C’est-à-dire ; n’aurait sur lui nulle prise.

io8 Œvvres poétiqves

Ains dirions comme Aenee alors qu’il veit en l’air De son fatal escu le lustre estinceller,

O combien de douleurs et de morts asseurees Sont à nos ennemis désormais préparées !

Qu’ils seront rudement punis de leurs forfaits !

Qu’on en verra tomber de régiments deffaits !

Et que les rouges flots des riuieres profondes En rouleront de corps et d’armes sous leurs ondes ! Qu’ils viennent maintenant, et de sang altérez Violent les sermens si sainctement iurez :

Ils verront que le Ciel estant nostre defense,

Nous sçauons mieux punir qu’exprimer leur offense.

Ainsi parlerions-nous mesprisans tout danger, Maintenant que l’orgueil du barbare estranger, R’allumant le flambeau d’vne guerre mortelle,

A de nouueaux combats par force vous rappelle.

Mais vous n’estes basty ny de fer ny d’acier.

Et le laict que huma dans le sein nourricier Vostre plus tendre enfance apres qu’elle fut nee.

Ne se conuertit point en la chair d’vn Cænee’,

Pour estre inùulnerable, et résister aux coups De tant de coutelas mis au poing contre vous.

Helas ! l’effort d’vn traistre, et vos autres blessures - Ne nous en ont donné que des preuues trop seures : L’image ne s’en peut de nostre ame effacer.

Et nos coeurs ne sçauroient sans horreur y penser 1

C’est pourquoy tous tremblans de voir vostre courage Vous porter derechef dans les flots d’vn orage Où tonnent cent canons arrangez flanc à flanc.

Où greslent mille morts, où la pluye est de sang. Nous recourons aux vœux, et l’œil baigné de larmes. Prions le Tout-puissant qu’au plus fort des allarmes

1. Cænée. Cænis, fille du Lapithe Elatus, outragée par Neptune, obtint en dédommagement d’être invulnérable. Elle prit part à l’expédition des Argonautes sous le nom de Cænée.

2. L’effort d’un traître. Bertaut entend parler sans doute de l’attentat de Jean Châtel, le 27 septembre M94, à Paris.

DE M. Bertavt. 109

Sa faueur vous defende, et sauue en vous sauuant,

Cest Estât dont l’espoir en vous seul est viuant.

Entens ceste requeste, ô Monarque suprême Des peuples, des Seigneurs, des Rois, et des dieux mesme. Gouure ce vaillant Roy de tes bras tout puissans Contre tant de périls sans fin le menaçans :

N’endure qu’aucun fer s’abreuue en ses entrailles :

Estens dessus son chef, au milieu des batailles,

Cest inuisible escu d’immortel diamant Destiné pour couurir ceux qui te bien-aimant Et bien-aimez de toy sont armez de ta garde :

Et pour nostre bon-heur plus d’vn siecle retarde L’heure qui rauissant sa presence à nos yeux.

Le doit, loin de la terre, emporter dans les deux.

Et vous Roy sans pareil, qui d’vn cœur magnanime Vous offrez tous les iours ainsi qu’vne victime En sacrifice à Mars, parmy tant d’ennemis.

Pour ceux qu’vn iuste régné à vos loix a soûmis :

Si l’amour de nostre heur ardamment vous embraze.

Si vous n’ignorez point d’estre l’vnique baze Sur qui fatalement nostre espoir est fondé.

Par l’heur d’vn priuilege à nul autre accordé.

Pour Dieu, Prince inuaincu, conceuez quelque enuie D’embrasser désormais le soin de vostre vie, .

Comme la seule mort des desseins insensez Qui ne sçauroient fleurir si vous ne périssez.

Ne vueillez plus iamais l’exposer à l’outrage •

D’vn barbare soldat ny souffrir que sa rage Face encore trembler sous la fiere mercy D’vn mousquet sans pitié ce grand Empire icy,

Monstrant aux yeux du ciel qu’il soit en sa puissance De briser pour iamais le sceptre de la France.

C’est assez tenté Dieu parmy tant de périls :

Les traces de vos coups à grand peine guéris.

Et saignans tous les iours dedans nostre pensee.

Assez en vous blessant ont nostre ame blessee.

Quel honneur si fameux, quels lauriers si prisez Cherchez-vous és hazards où vous vous exposez.

Œvvres poétiq ves

Dont le gain se peust dire égal à nostre perte,

Si pour rendre la France à tout iamais deserte La mort trenchoit vos iours par vengeance de voir Vostre heureuse vertu mespriser son pouuoir?

0 grand Roy, ce désir de gloire perdurable Qui de vostre pensee est l’hoste inséparable.

Et par qui si souuent nostre teint a blesmy.

Est vostre plus mortel et plus fier ennemy :

Ne prestez pas Toreille au conseil qu’il vous donne.

Il veut en vous perdant perdre ceste couronne.

Et pour vn peu d’honneur destruire en vn moment De tout ce grand Estât le Royal bastiment.

Gomme dedans Argos il ruina l’Empire Que bastissoit la main du vaillant Roy d’Epire.

La valeur du soldat recognoist d’autres loix Que ne fait la puissance et majesté des Rois :

Le plus fameux laurier qui ceigne vn diadesme Se doit à la conduite : et la victoire mesme Acquise auec le fil du trenchant coutelas Se voit naistre plustost, comme vne autre Pallas,

Du chef en commandant, sans péril et sans' peine.

Que du bras dont l’effort ensanglante la plaine.

Bien nous fut-il besoin peu de mois sont passez. Qu’en rendressant l’honneur des beaux Lis terrassez A la sage conduite il vous pleust de cônioindre La valeur de l’espee, et fait égal au moindre Des vulgaires soldats, exposer à la mort Geste auguste grandeur d’où prend ^ tout nostre sort.

Mais puis que des François l’inuincible Genie Par vous a surmonté la rebelle manie.

Que les Lis ont repris leur première beauté.

Et que nostre œil reuoit l’antique majesté Du Royaume et des loix dedans son thrône assise.

Il ne faut plus donner au malheur tant de prise

I . N’est-ce pas une faute pour ; pend, c’est-à-dire dépend ?