I. Le Parnasse et l’Hélicon

124 Œvvres poétiqves

Bornent auec son nom la gloire de ses vers :

Et pource * appaise toy, consolant par Tattente De ce bien anenir l’infortune présente.

Ainsi flattant mon dueil et m’essuyant les yeux,

Tu me disois alors, grand Monarque des cieux. Remarquant de Ronsard la future naissance :

Et moy qui me repeu d’vne vaine esperance, l’accoisay^ mes souspirs, en pensant qu’vn tel heur Me deuoit bien couster quelque amere douleur :

Et qu’ encor le destin m’estoit-il fauorable.

Si pour tant de mes fils couchez morts sur le sable, Vn au moins me naissoit de qui l’estre diuin N’arriueroit iamais à la derniere fin.

Mais, à ce que ie voy, ceste douce promesse Qui ne tendoit alors qu’à tromper ma tristesse,

A trompé du depuis mon esperance aussi :

Car ce diuin ouurier, ma gloire et mon soucy,

Priué des doux rayons de l’humaine lumière.

Aussi bien comme vn autre est allé dans la biere.

Et n’a pas moins payé pour passer Acheron ,

Que feroit estant mort vn simple vigneron.

Cependant i’esperois (et sans la mort cruelle, le croy que cet espoir m’auroit esté fidelle)

Qu’il iroit couronnant d’vne si rare fin L’ouurage où Francion ^ boit des ondes du Rhin,

Que celuy qui d’Achille a sacré la mémoire,

Le suiuroit diaussi loin en immortelle gloire.

Qu’il le précédé en âge, et qu’il a surmonté Tout ce que iusqu’icy les François ont chanté.

Là ie me promettois de voir sa docte plume Vanger de ce vieillard qui tout ronge et consume,