H. l'abbé de l'isle a m. L^ÉVÊQUE d'acqs

11 lui annonce la plos triste des nouvelles^ la perte de leur bon frère Antoine de Noailles. — Détails de sa maladie et de sa fin. — Regrets uni* Terseli.

Bonrdeaulx, 15 mars 1562.

Mons. mon frère. J'ay looguement attendu et ne scais encore comment je vous puis escripre à cest heure la plus triste, ennuyeuse et desplaisanle nouvelle que je vous scaurois dire. C'est la perte de ce grand homme de bien^ nostre bon frère^ que nous pouvons justement appeler père, lequel mourut jeudy dernier, unziesme de ce moys, d'une estrange et cruelle maladye que les mcdecins n*ont pu cognoistre et qui nous a malheureusement trompés. Elle commença par un vertige ou tournemens de teste qui luy print ung vendredy sur les dix heures du matin, estant a l'esglise Saint-André en conseil, avec aulcuns députés de la Court de Parlement, Mess, de Bourdtaulx, d'Ëscarset aultres dont il fut conlrainct laisser la compagnie et se retirer céans, ou aussilost il se miàt au lict, pressé bientost après d*ung grand vomissement qui luy dura tout ce jour et la nuyt suivante. Or, avant que se trouver mal, il avoit demeuré vingt-quatre heures sans manger^ dont le jeusne et la violente évacuation le débilitèrent comme l'on peut penser. Ce néantmoings par l'ordonnance des médecins^ il print ang apozùme le sabmedy, et encores ung aultre le dimanche suivant qui opérèrent assez légierement, et sembla si bien purgé et dispos qu'il fut hors de danger. Toutefois le soir dudit dimanche environ neuf heures, il luy prend une extresme douleur sur le croupion, qu'il esiimoitestredes vers dont il estoit plein qui sembloient là; et les médecins disoient que c'estoient des humeurs qui couloient et tomboient sur ceste partye. Quoique i'.e fut, cela luy donna l'espace de deux ou trois heures un tourment sans remède ny patience, qu'en se tenans debout, et à renfort de clistères; tellement qu'après en avoir prins trois ou quatre, enfin ceste douleur s'appaisa sur les unze heures de nuit et dormit après de bon somme jusques à neuf du lendemain : mais il se trouva fort folble.

106 PAPIERS DB NOAILLEft

défaict et esmen ce néantmoins tout ce jour-là, qui fut le lundi et encores le mardy après il eut assez de repos, parla et ordonna des afîaires de sa charge et aultres domestiques. Il est vray que les médecins commencèrent dès lors à craindre qu'il ne tombast en fièvre continue : aussi il se trouva fort mal et ne sceust dormir qu'avec grande inquiétude de toute ceste nuit là, ainsy qu'on me manda en ma chambre, le lendemain mercredy, de bon matin. Sur quoy je le vais trouver et après l'avoir veu et ouy, Madame de Noailles et moy envoyons en l'heure quérir tous les médecins et meilleurs apothicaires et cirurgiens de la ville, et par mesme moyen nous despeschons en toute diligence; versBazaa et Agen, pour en avoir d*nultres des plus excellens du pays. Cependant nous faisons, avec les présents, consulter sa maladie. Et environ les six heures du matin sa grande douleur de croupion le reprend plus longue et plus forte que la première fois. Il est levé commode coutume; on lui donne six ou sept rlistèrcs : on luy applique des fomentations, oignements, em()lâtrcs, frotemens et tant d'aullres choses que ce neantmoings proûtoient peu et dont c*estoit une extrême pitié de voir plaindre et défaillir ce bon chevalier, ainsi cruellement tourmenté debout, souslenu et appuyé sur nos braF. Et voyant qu'il se morfondoit et n'en pouvoit quasi plus, on iuy fît trouver bon d'endurer son mal dans son lict. Ou l'y mist et bientost après qui fut sur les neuf heures du mercredi malin, il perd la paroUe, laquelle il ne peust depuis recouvrer, tellement qu'il languit en grand martyre jusques au jeudy suivant qu'il rendit Tâme à Dieu, sur les deux heures après-niidy, aultant plaint, estimé et regretté des grands et petits que personnage de qualité qui mourut jamais en Bourdeaulx. Et pour ce qu'on avoit soupçon qu'il eust esté empoisonné, et que Iuy mesme vivant s'en estoit défîé, on fut d'advis de l'ouvrir. On luy trouva toutes les parties nobles et tout le reste du corps si sain et entier qu'il estoit possible. Mais on luy trouva en la teste sur le cerveau un amas d'eau jaune qui avoit formé quelque apostume sur ledit cerveau et, comme je cuide, depuis le commencement de sa maladye seulement, ainsy qu'il est h croire veu que auparavant il ne se plaignoit point de lad. teste et bien peu encore durant ladite maladie : laquelle pour ceste occasion no

fnt jamais entendue : comme aussy confessent lesd. médecins avoir bien failiy de ne l'avoir seigné dès le commencement et par mesme moyen purge dud. cerveau. — Je crois bien que les ennuis el desplaisir qu'il a receus icy et en beaucoup d'endroicts, et mesmes pour la mort de Mous, de Guise, et voir ung si mauvais ordre et confusion aux affaires de deçà, dont à toute heure il se plaignoit et desiroit estre chez lui, ont grandement advancé son heure. Il a laissé sa femme, nostre sœur, ses enfantin, famille et moi bien désolez, sentant bien trestous combien nous poyse sa perte. Je m'asseure que de vostre part vous le plaindrez et comme nous le trouverez à Dieu! Il a esté tres-honorablement enterré en la dicte église Saint-André ou presque toute la noblesse do ce pays s'est trouvée : Mess, de Candollo et Monluc, d'Ëscars, de Lions y assistoient en habit noir comme pour leur frère de l'ordre. — Nostre dite sœur ne se peult consoler. Elle promet toute Tamityé, bien, secours et compagnye à ses enfants que nous pouvons désirer, et je le crois ainsy.

Nous avons depcsché en poste pour conserver les estats aux dits enfants, les ayant fait demander au nom de M. de Ferrières jusqu'à ce qu*ils soient en âge. Il y en a prou icy qui ont aussi faict courir et, à ce que j'entends, tous les plus grands. Je ne scay que il en sera, pour le moins aurons-nous faict nostre debvoir. Madame de Noailles en a escrit à la royne une seconde lettre et luy a demandé la forme de son dueil, comme elle a esté conseillée par Madame d'Audoins qui est passée p ir icy. En attendant la respouse et la quaranteine, il nous faudra tenir icy. Elle vous escrit et prie d'avoir le seing des pupilles et de leur bien comme de vos propres enfants. Je vous en supplierois aussy si je ne cognoissois vostre bon naturel tout disposé n surmonter nostre désir. Et sur ce, je vous feray fin, priant Dieu vous donner, Monsieur mon frère, très-heureuse et longue vye, me recommandant bien humblement à vostre bonne grâce. De Bordeaux, ce xv« jour de mars 1562.

Bibl. nat., 6915, r> 35.

108 PAPIERS DE MOAILLES