LXVI

LA PITIÉ CRVELLE

SONNET

Puisqu’on ne peut rien voir d’esgal à ta beauté.

Et que le Ciel t’a faite aussi fiere que belle.

Prend ce poignard, Clorinde, & par ta cruauté 4 Donne de ta clemence vne preuue nouuelle.

Fais vn acte au iourd’huy d’vne Diuinité Sans faire de contrainte à ton humeur cruelle ;

Et monstrant ta douceur dans l’inhumanité,

8 Guéris d’vn coup mortel vne atteinte mortelle.

LES AMOVRS DV S"" TRISTAN

Ah Perfide ! tu crains de me prester ta main ;

Tu ne penserois pas faire vn acte inhumain D’afranchir mon esprit d’vne peine si grande.

O Dieux ! l’ingrat Obiect pour qui ie meurs d’amour Me refuse vne mort quand ie la luy demande Pour m’en faire souffrir plus de mille en vn iour.

[LXVIl]