L’AGONIE MORTELLE

SONNET

Acheue moy de grâce, ô belle fugitiue,

Adouçis par vn meurtre vn pire traitement,

Pourquoy veux tu si fort haster ton partement;

4 N’aprehendes tu point que mon ombre te suiue ?

Tu me quittes, barbare, & tu fais la craintiue D’vn sujet que ta haine enuoye au monument ;

Tu fais la pitoyable & tu veux que ie viue 8 Apres nTauoir cent fois blessé mortellement.

Dieux, inspirez quelqu’vn qui parle à la lustice :

Le crime est euident, il faut qu’on la punisse ;

Il Ainsi que mon trespas, le sien est résolu.

Mais la poursuitte est vaine, & l’ingrate me braue,

Car elle sçait fort bien qu’vn Tyran absolu 14 N’est iamais recherché de la mort d’un Esclaue.