CVII

LE SOVPIR AMBIGV

MADRIGAL

Soupir, subtil esprit de flame Qui sors du beau sein de Madame, Que fait son cœur aprens-le moy ?

Me conserue-t’il bien la foy ?

5 Ne serois tu pas Tinterprete

D’vne autre passion secrete ?

O Cieux ! qui d’vn si rare effort Mistes tant de vertus en elle, Destournez vn si mauuais sort :

lo Qu’elle ne soit point infidelle,

Et faites plustost que la Belle Vienne à soupirer de ma mort,

Que non pas d’vne amour nouuelle.