L’AVIS CONSIDERABLE

Source de mes tourmens, obiet inexorable.

Dont les ieunes apas triomphent de mon cœur,

O cruelle Siluye, il est bien misérable

Qui tombe entre les mains d’vn insolent veinqueur.

Insensible suiet qui ris de ma langueur.

Et te moquant de voir vn mal incomparable.

Fais vanité de ioindre vne extresme rigueur A l’extresme beauté qui te rend adorable.

Si tu traitois ma flame auec moins de mespris,

Tu pourrois t’asseurer que bientost mes escris Te rendroient immortelle en dépit de l’enuie :

Quel bien retires tu de cet exces d’orgueil ?

Il abrégé ta gloire en abrégeant ma vie^ ^

Et te priue d’vn Temple en m’ouurant yn cercueil.