CHANSON LXXVI

Tousjours dictes : je vien, je vieii î Espoir, je vous congnois assez, De voz promesses me lassez Dont peu à vous tenu me tien.

Je vous requier au besoing mien, Lcgièrement vous en passez ; Tousjours dictes ; je vien, je vien !

Espoir, je vous congnois assez.

Vous ne vous acquittez pas bien Vers moy quant ung peu ne chassez Les soussiz que j'ay amassez En me contentant d'un beau rien, Tousjours dictes : je vien, je vien !