CHANSON CI

Penser, qui te fait si hardy De mectre en ton hostellerie La très diverse compaignie D'ennuy, Desplaisir et Soussy ?

Se congié en as, si le dy :

Ou se le fais par ta folie, Penser, qui te fait si hardy De mectre en ton hostellerie.'

Nul ne repose pour leur cry.

Boute les hors, et je t'en prie ; Ou il fault qu'on y remédie.

Veulx-tu estre à tous ennemy, Penser, qui te fait si hardy.

CHANSON en.

As-tu jà fait petit souspir ?

Est-il sur son trespassement?

Le cueur qu'as mis à saquemenl N'a-il (65) remède de guérir?

Tu as mal fait de la férir En haste, si piteusement ; As-tu jà fait petit souspir?

Est-il sur son trespassement ?

DE CHARLES D'OHLÉANS. X>4i)

Amours, qui t'en doit bien pngnir A fait de toy son jugement; Pren Fianchise iiastivemenl, Sauve-toy quant lu as loisir : As-tu jà fait petit souspir?

CHANSON cm.

Deux ou trois couples, d'Ennuy s J'ay tousjours en ma maison, Désencombrez je ne m'en puis.

Quoy qu'à mon povoir les fuis Par le consieil de Raison, Deux ou trois couples d'Ennuys.

Je les chasse d'où je suis, Mais en chascune saison Hz rentrent par ung autre huis, Deux ou trois couples d'Ennuys.