CHANSON CM

AU COMTE DE CLERMONT Jt'Ùj.

Dieu vous envoyé pascience Gentil conte Cléremontois, Vous congnoissez à ceste foiz Qu'est d'amoureuse pénitence.

Puis qu'estes hors de la présence De celle que bien je congnois, Dieu vous envoyé pascience Gentil conte Cléremontois.

DK CHARLES DOULEANS.

Trover vous povez aliance A la riche, comme je croys, We vous trouverez de ce mois.

Las! trop estes loing d'alégeance, Dieu vous envoyé pascience.

CHANSON CVIL

Sauves toutes bonnes raisons, Mieulx vault mentir pour paix avoir Qu'estre batu pour dire voir :

Pour ce mon cueur ainsi faisons.

Riens ne perdons se nous taisons Et se jouons au plus savoir ; Sauves toutes bonnes raisons, Mieulx vault mentir pour paix avoir.

Parler boute teu en maisons Et destruit paix, ce riche avoir; On aprent à taire et à veoir Selon les temps et les saisons :

Sauves toutes bonnes raisons.

CHANSON CVllI.

Il sousfist bien que je le sache, Sans en enquérir plus avant ; Car se tout aloye disant On vous pourroit bien dire atache.

Nul de la langue ne m'arrache Ce qu'en mon cueur je voys pensant