RONDEL LV

Encore lui fait-il grant bien De veoir celle qu'a tant amée, A cellui qui cueur et pensée Avoit sien elle comme sien.

Combien qu'il n'y aye plus rien El qu'autre la lui ait ostée, Encore lui fait-il grant bien De veoir celle qu'a tant ainée

En regardant son doulx maintien Et son fait, qui moult lui agrée, S'il la peut tenir embrassée Il pense qu'une foiz fut sien, Encore lui fait-il grant bien.