RONDEL CCLXX

Trop ennuyez la compaignie, Douloureuse Mérencolie, Et troublez la teste de joye; Foy que doy à Dieu! je vouldroyc Que feussiez du pais bannye.

Vous venez sans que l'on vous prie, Bon gré, maugré, à l'estourdie; Alez, que plus ou ne vous voye.

Trop ennuyez la compaignie.

Soassy avecques vous s'alye ,

Si lui dy-je que c'est folie!

Quel mesnaige! a! Dieu vous convoyé

Si loing, tant que je vous revoye

Quérir quant jamais en ma vie,

Trop ennuyez la compaignie.