FAICTE PAR LUV EN ESPAIGNE

Si la nature en l'adversité Se resjouyst, voyez l'adversité En triumphant sur la prospérité Estre vaincue.

Voyez aussi que la vérité nue En ferme cueur n'est jamais abatue Par trahison, qui enfin est congnue Avecq le temps.

Dont je me liens du nombre des contenlz, Bien que je n'aye en tout ce que pretendz Si congnois-je le bien que j'en actends En ma pensée,

Qui par prison en riens n'est offensée : Car estant libre elle est recompensée Faisant sa fin d'estre recommencée Pour ne finer.

Car on ne peult l'espril confiner Soubz nulle loy, ny son vouloir myner; Mais, par la preuve, on le peult afiner En peine dure,